ഭാഗം 12
വീണ്ടും ദിനങ്ങൾ രഥയാത്ര തുടർന്നു.
പെട്ടെന്നാണാ വാർത്ത ഒരു കാട്ടുതീ പോലെ പരന്നത് ! മേഘനാഥൻ അറസ്റ്റിൽ! അക്കൗണ്ടിൽ എഴുതിയ പണം ബാങ്കിൽ ഇല്ലത്രെ! അക്കൗണ്ടന്റ് അല്ലേ ഉത്തരവാദി?
എന്താണ് സംഭവിച്ചത്? കാഷ്യറെയും കാണാനില്ല! വാർത്ത പരന്ന പിറ്റേ ദിവസം അയാളുടെ ശവം റോഡരികിൽ ! അയാളെ മേഘനാഥൻ കൊന്നതാണോ ? ഈ ചോദ്യങ്ങൾ വെറും ചോദ്യങ്ങൾ മാത്രമായി തുടരുന്നു !
അതാ അവനെ വിലങ്ങു വെച്ച് സെൻട്രൽ ജയിലിലേക്ക് കൊണ്ടുവരുന്നു . അവനു വേണ്ടി വാദിക്കാൻ ഒരു വക്കീലും തെയ്യാറായില്ല ! ഏകപക്ഷീയമായ വിധി - അഞ്ചു വർഷത്തെ കഠിനതടവ് !
ഇപ്പോൾ അവനിരിക്കുന്നതു സെല്ലിനുള്ളിലാണ് . ജയിൽപുള്ളിയുടെ വേഷത്തിൽ നിരാശാഭാവത്തിൽ ചുമരിനോട് ചേർന്നിരിക്കുന്നു . സെല്ലിൽ അവൻ ഒറ്റയ്ക്കാണ് ! ഒരു കണക്കിന് അതും നല്ലതല്ലേ ?
ശാരീരികപരമായും മാനസികപരമായും ആരും കുത്തിനോവിക്കില്ലല്ലോ ?
ദിവസങ്ങൾ കടന്നു പോയി . തൃപ്തികരമല്ലാത്ത ഭക്ഷണം അല്പം ജീവൻ കിടക്കാൻ മാത്രം കഴിച്ചു . എല്ലും തോലും മാത്രമായ ഒരു രൂപം ! നീണ്ടതാടിയും നീണ്ടമുടിയുമെല്ലാം അവനെ ഒരു ഭ്രാന്തനെപ്പോലെ തോന്നിച്ചു . ഇടക്കെല്ലാം അവൻ എന്തൊക്കെയോ പിറുപിറുക്കാറുണ്ട് ! ഉച്ചക്കുള്ള ഭക്ഷണം കഴിച്ചു പായയിൽ മയങ്ങാൻ കിടക്കുകയാണവൻ !
"വാ ! നിന്നെക്കാണാൻ ആരോ വന്നിട്ടുണ്ട് !" സെല്ല് തുറന്നുകൊണ്ടു ഒരു പോലീസുകാരൻ പറഞ്ഞു .
"എന്നെക്കാണാനോ ? ഞാൻ അത്ര വലിയ ആളാണോ ?" അവൻ പൊട്ടിച്ചിരിക്കാൻ തുടങ്ങി . ചിരി പെട്ടെന്ന് കരച്ചിലായി മാറി . എന്തിനെന്നറിയാതെ തേങ്ങുന്ന അവന്റെ കൈകൾ പിടിച്ചു പോലീസുകാരൻ സെല്ലിൽ നിന്നും പുറത്തു കടന്നു.
