Page 10 of 21
സീൻ - 9
ആ തിരക്കഥ, കുന്നംകുളത്തെ ആ സമയത്തെ ഫിലിം ഡയറക്ടർ ' മഞ്ഞുകാലവും കഴിഞ്ഞ് ' എന്ന സിനിമ ചെയ്ത ബെന്നി പി. സാരഥി സാറിനെ കാണിച്ചു. (അദ്ദേഹം ഇന്നില്ല ).
"നല്ല തിരക്കഥ.. പരിചയ സാമ്പന്നനായ തിരക്കഥാകൃത്തിന്റെ craft...മോന് ഭാവിയുണ്ട്.. ക്ഷേത്രവും നാലുകെട്ടും ഉള്ള കഥ ചെയ്യാൻ ജയരാജിനേ പറ്റൂ... ജയരാജിനെ കാണാൻ ശ്രമിക്ക്... "
അദ്ദേഹം പറഞ്ഞു വിട്ടു. ബെന്നി സാരഥി സാറിൽ നിന്ന് തിരക്കഥാകൃത്താകാൻ പറ്റും എന്ന ആത്മവിശ്വാസം എനിക്ക് ലഭിച്ചു എന്നു മാത്രമല്ല, തിരകൾക്കപ്പുറo, മഞ്ഞുകാലവും കഴിഞ്ഞ് എന്നീ സിനിമകളുടെ തിരക്കഥാകൃത്തും, കുന്നംകുളം T.T.I.കോളേജിലെ അദ്ധ്യാപകനുമായ വശ്യവചസ് സാറിനെ ഇടയ്ക്കിടെ ചെന്നുകണ്ട് അദ്ദേഹത്തിൽ നിന്ന് എഴുത്തിന്റെ പലതും പഠിക്കുവാനും അക്കാലത്ത് ഞാൻ ശ്രമിച്ചിരുന്നു.
