Page 7 of 21
സീൻ - 6
ഇതിനിടയിൽ 1996-ൽ പൂമ്പാറ്റയുടെ പ്രസിദ്ധീകരണം നിർത്തി. അതേ വർഷം പൂമ്പാറ്റ നിർത്തിയിടത്തുനിന്നും ഞാൻ തുടങ്ങി. കുട്ടികളുടെ ബാലദീപികയിൽ:
എന്റെ ആദ്യത്തെ ബാലകവിത അച്ചടിച്ചു വന്നു... .
പുലരി വന്നു
-------------------
പുലരി വന്നു പൂക്കളേ
പതിയെ നിങ്ങളുണരുവിൻ
പുതുമ തൻ പ്രകാശമോടെ
പരിലസിച്ചു വാഴുവിൻ.
പകലു മുഴുവൻ നിങ്ങളിൽ
പുതു വെളിച്ചം ചാർത്തിടും
പലരും നിങ്ങളഴകിനെ
പുകഴ്ത്തി പാടി പോയിടും.
പൂത്തു നിൽക്കും പൂക്കളെ -
പ്പോലെയാകു കൂട്ടരേ
പാരിതിന്റെ കോണിൽ നിങ്ങൾ
പുതിയ പൂക്കളാകുവിൻ.
(ബാജി കാണിപ്പയ്യുർ)
ബാലകവിയുടെ ആദ്യ കവിത അച്ചടിച്ചു വന്നു. പ്രതിഫലമായി 20 രൂപ മണിയോർഡറും.
