വിധിയോട് തർക്കിക്കുന്ന മനുഷ്യരെ കണ്ടിട്ടുണ്ടോ?
ആത്മാവിന്റെ ശിഖരങ്ങൾക്ക് നേരെ കത്തി ചൂണ്ടുന്ന പ്രാരാബ്ധങ്ങളോട് ജീവിതം കടം ചോദിക്കുന്നവരാണവർ.
പെയ്തൊഴിയാൻ വെമ്പി നിൽക്കുന്ന വികാരങ്ങളെ സാഹചര്യങ്ങളുടെ കല്ലറയിൽ അടക്കം ചെയ്യുന്നവരാണവർ.
പ്രായത്തിന്റെ ഒരോ മുഖങ്ങളിലും അഥിതികളാകുന്ന സ്വപ്നങ്ങൾക്ക് ആരാച്ചാരാകുന്നവരാണവർ.
നനവുണങ്ങാത്ത മുറിവുകളിലേക്ക്
വേദനയുടെ ചീളുകൾ തുളഞ്ഞു
കയറുന്നത് നിസ്സഹായതയോടെ നോക്കി
നിൽക്കേണ്ടി വരുന്നവരാണവർ.
നനവ് വറ്റിയ ജീവിത താളത്തിന്
ഭാഗ്യം കടം മേടിക്കുന്നവരാണവർ...
ഇരുട്ടിന്റെ അനന്തമായ വിഹായസ്സിൽ
നിദ്രയെ പിണക്കി
വെളിച്ചം പെറുക്കാൻ നടക്കുന്നവർ...
വിധിയോട് തർക്കിക്കുന്ന മനുഷ്യരും ഉണ്ടന്നേ....
