ഇന്നിനി നമ്മളിൽ ദു:ഖമില്ല,
വേർപെടുമെന്നൊരു ഭീതിയില്ല.
മോഹനവർണങ്ങളൊന്നുമില്ല,
ആശകളൊന്നുമേ കൂടെയില്ല.
ആകാശമിന്നു നമുക്കു സ്വന്തം,
മേഘങ്ങളെല്ലാം രഥങ്ങളല്ലോ!
താരാഗണങ്ങളിൽ ദൂതു പോകാം
അന്യോന്യം പുഞ്ചിരി തൂകിനിൽക്കാം.
അമ്പിളിക്കലയിൽച്ചെന്നെത്തിനോക്കാം,
നിലാക്കുടം പതിയെ കവർന്നെടുക്കാം.
ബന്ധനമില്ലാതെ നീങ്ങിടാമെങ്ങും
പൂർവകാലത്തിൻ സ്മൃതികളില്ലാതെ.
