മികച്ച കവിതകൾ

(Dileep Kumar)

വെപ്പുമുടി പോലെയാണ്
ചില ബന്ധങ്ങൾ;
കൃത്രിമമായ ഒരലങ്കാരം.
വളർച്ചയില്ല,
കാല, ജരാനരകളില്ല.

കഷണ്ടിത്തല;
ഒരു തിരസ്കൃത ഭൂഗോളം.

മാഞ്ഞു മറഞ്ഞുപോയ
രാഷ്ട്രങ്ങളുടെ
മറവി രോഗം ബാധിച്ച തലപ്പൊതിച്ചോറ്.

വെപ്പ് പല്ല്;
ഊരി വച്ച
ചില്ലുപാത്രത്തിൽ
ഒരു അജ്ഞാതജഡം. 

നിര നിരയായ് അടുക്കി വച്ചുക്കെട്ടിയ
ഒരു മതിലിൽ വരച്ചു വച്ച
അടക്കി വച്ച ഒരു പരസ്യച്ചിരി . 

ചത്തവരുടെ
പല്ലുകൾ കൊണ്ടാണ്
വെപ്പുപ്പല്ലുകൾ
ഉണ്ടാക്കുന്നതെന്ന്
ആടിന്റെ കണ്ണ് വച്ച ഒരാൾ
എന്റെ രാക്കിനാവിൽ
വന്ന് 
ചെന്നായയുടെ നാവ് നീട്ടി
പേടിപ്പിക്കുന്നതെന്നാത്തിനാ?!! 

വെപ്പുമുടി 
ഊരി വച്ച്
ദൈവത്തിന്റെ മുടി
എടുത്താടുന്നതെന്നാത്തിനാ?!!