മികച്ച കവിതകൾ

(Bindu Dinesh)

മുഴുവൻ തകർന്നൊരു
മനസ്സിൽ നിന്ന്  പുറത്തേയ്ക്ക്
എത്രമാത്രം പടികളാണെന്നറിയാമോ ?
ഓർമ്മകളിലേക്ക്
വേദനയിലേക്ക്
ഉന്മാദത്തിലേക്ക്
അങ്ങിനെയങ്ങിനെ .... 

എല്ലാപടികളും 
ഒരു നിലയില്ലാ കയത്തിലേക്കാണ്
തുറക്കുന്നത് എന്നൊരപകടം ഒളിച്ചിരിപ്പുണ്ടെന്ന് മാത്രം. 

അങ്ങിനെയാവും
മുഴുവൻ തകർന്നൊരു മനസ്സ്
ഒരിയ്ക്കലൊരിക്കൽ
ഒരു ദ്വീപായിത്തീരുന്നത്... 

എല്ലാ പടികളുമടച്ചു വെച്ച്
ഉള്ളിലേയ്ക്കൊരു പടി തുറന്ന്
മനസ്സ്  ഇതുവരെയില്ലാത്ത ജാഗ്രതയോടെ, കാത്തിരിക്കും.
വിഷാദത്തിലേക്കുള്ള 
ആ ഒരൊറ്റ പടിയിൽ
ആരുമറിയാതെ തിണർത്തുകിടക്കും
ഒരിക്കൽ  ശ്വസിച്ച ശ്വാസമെല്ലാം ...