(Bindu Dinesh)
നിന്നെ ഓര്ക്കുമ്പോള് മാത്രം
മുളയ്ക്കുന്ന
രണ്ട് ചിറകുകളുണ്ടെനിക്ക്.
വന്കടലുകള്ക്കപ്പുറം
ഞാനപ്പോള്
ഇടിമിന്നലുകളെത്തേടിപ്പോകും....
ഭൂതകാലച്ചില്ലകളില് നിന്ന്
ചില നക്ഷത്രങ്ങളെക്കൊത്തിപ്പറക്കും....
അതിരു പൊട്ടിവീഴാന്തുടങ്ങുന്ന ആകാശത്തെ
ഒരൊറ്റച്ചിറകിനാല് താങ്ങിനിര്ത്തും.......
ബാക്കിസമയങ്ങളിലെല്ലാം ഞാന്
ഉടല് വെന്തുപോയൊരുവാക്കാണ്..
അലറിക്കരഞ്ഞുകൊണ്ട്
വസന്തങ്ങളെ പോരിന് വിളിക്കുന്നവള്....!!!
