(Rajendran Thriveni)
യുദ്ധമുഖത്തെയാ കുഞ്ഞിന്റെ കൺകളിൽ
ഒരു മാൻകിടാവിന്റെ ഭയമുണ്ട്!
ആ കണ്ണുകളിലലയാഴി ആർത്തിരമ്പുന്നുണ്ട്,
ഹൃദയത്തിലുയരുന്ന നരകാഗ്നിയുണ്ട്!
ആ കണ്ണുകളിലായിരം ചോദ്യങ്ങളുണ്ട്,
കഴുകന്റെ ചിറകിന്റെ ഭീതിയുണ്ട്!
ചെവികളിലുയരുന്ന പൊട്ടിത്തെറിയുടെ
ശബ്ദകാലുഷ്യത്തിന്റെ വിങ്ങലുണ്ട്;
യുദ്ധത്തെ നിർമിച്ച തത്ത്വശാസ്ത്രത്തിനെ
മൂകം ശപിക്കുന്ന ശബ്ദമുണ്ട്!