മഴച്ചില്ലാൽ  മുറിവിട്ട ഹൃത്തിൽ 
മഴ വെള്ളം  തെറുപ്പിച്ച തണുപ്പിൽ
മഞ്ഞായുറഞ്ഞു പോയ് ദുഃഖം
മായാതെ മറയാതെയിന്നും മനസ്സിൽ
ചന്തമായ് ചാറ്റുന്നെന്നിൽ ഇമ്പമായ്

കണ്ണാഴങ്ങളിൽ ഒളിപ്പിച്ച പ്രണയ ഭാവവും 
തൊട്ടും തൊടാതെ തഴുകിയ  പൂമേനിയും
നിനക്കായ് മാത്രം  കാത്തുവെച്ചുരു ചുംബനവും
കനവിലിന്നും  തൂമയൂര നൃത്തമാടുന്നു 

മനസ്സിനു ചിറക് മുളച്ചാദിനങ്ങൾ
നാവുകളേറെ പറഞ്ഞ നിമിഷങ്ങൾ
ഒന്നായ് നമ്മൾ  മീട്ടിയ ഹൃദയതന്ത്രിളിൽ
ഇടയിൽ പടർന്ന മതവിഷ വള്ളികളിൽ കുരുങ്ങീ

അകലാതെ അകന്നുപോയ് നമ്മൾ ഇരവ വരുമറിയാതെ
അതിർവരമ്പിൽ നാം പിരിഞ്ഞൂ
ഹൃദയ നോവാൽ ഞാനകന്നൂ നിനക്കായ്

മറക്കുകില്ല ആദ്യ പ്രണയം
മനസ്സിനേകിയ മധുരിക്കും നോവ്
ഹൃദയത്തിലാദ്യം കുറിച്ച പ്രണയാക്ഷരം
നൊമ്പര പ്രണയ കാവ്യമായിന്നുമുണ്ട്
പ്രണയതീരത്ത് ഏകനായിരുന്നു മൂളാൻ