അമ്പലമുറ്റത്തെയാൽ മരച്ചോട്ടിൽ
ആധികളാശകളുയരും ത്രിസന്ധ്യയിൽ
കനവിലുണരുമെൻ കരളിനെ കാണാൻ
കണ്ണിമവെട്ടാതെ കാത്തിരിപ്പൂ ഞാൻ
നാട്യങ്ങളില്ലാത്ത നാടനഴികിന്റെ
നറുമണച്ചോപ്പുള്ള ചെമ്പകത്തെ
കുങ്കുമ ചാന്ത് ചാലിച്ച കവിളത്ത്
കന്മദം വിരിയും നുണക്കുഴിയാളെ
ഈറനാം മുടികെട്ടിൽ തുളസിക്കതിർ ചൂടി
ഇമചിമ്മു മിഴിയിൽ നൈവേദ്യവുമായ്
മജജീരമുതിർക്കും മണികിലുക്കം
മധുരശംഖൊലിയായ് തിരമുററത്ത്
നിറദീപമായ് വിളങ്ങും നിൻ രൂപം
നെയ്വിളക്കായ് തെളിഞ്ഞു തിരുനടയിൽ
അമ്പലത്തൂണിലെ ചിത്രാംഗനമാർ
ആട്ടുവിളക്കാളും പ്രഭയിൽ മിഴിചിമ്മി
മേനിയഴികിന്റെ വിസ്മയ കാഴ്ചയിൽ
മനസ്സും നഭസ്സും നിറഞ്ഞു തുളുമ്പീ
അമ്പലക്കുളത്തിലെ ആമ്പൽപ്പൂ തണ്ട്
ആലിലത്താലി ചാർത്തിയെൻ പ്രതിഷ്ഠയിൽ
