കവിതകൾ

(Ramachandran Nair)

ആ വഴിത്തിരിവിലെങ്കിലും ഒരു മാത്ര നിന്നെ- 
ക്കണ്ടിരുന്നെങ്കിലെന്നു ഞാനാശിച്ചുപോയി;
നിന്നിൽനിന്നും ഒരു മൊഴി കേൾക്കുവാനായെങ്കി-
ലെന്നു ഞാൻ പലവട്ടം കൊതിച്ചുപോയി.

ഇനിയെത്ര നാൾ കാത്തിരുന്നീടുകിലൊന്നു

കാണും നിന്നെ, യൊരുവാക്കു ചൊല്ലുവാൻ;

ഇനിയെത്ര നാൾ കഴിയണം നിന്നെയൊന്നു

കൺകുളിർക്കെക്കണ്ടാസ്വദിക്കുവാൻ.

കാത്തിരിപ്പിന്റെയൊക്കെ സുഖമൊന്നു വേറെ-

യാണെങ്കിലും എത്ര നാൾ കാത്തിരിക്കണം;

ആശിച്ചുപോകുന്നു ഞാനെപ്പോഴും നീയെന്നു-

മെന്റെയടുത്തുണ്ടായിരുന്നെങ്കിലെന്ന്‌.

എവിടെയാണെങ്കിലും നീ സുഖമായിരിക്കട്ടെ,

നിന്റെ മോഹനസങ്കൽപങ്ങളൊക്കെക്കതിരിടട്ടെ;

എവിടെയാണെങ്കിലും നിന്റെയോർമകളെന്റെ,

മനസ്സിന്റെ കണ്ണാടിയിലെന്നും പ്രതിഫലിക്കും.

ഇനിയൊരു ജീവിതമെനിക്കുണ്ടെന്നാകിൽ,

അതു നീയുമൊന്നിച്ചുമാത്രമുള്ളതായിരിക്കും;

ഇനിയൊരു വസന്തമെന്നിൽ പൂക്കുന്നുവെങ്കിൽ,

അതു നീയെന്റെയടുത്തുള്ളപ്പോഴായിരിക്കും.

✍️രാമചന്ദ്രൻ, ഉദയനാപുരം