ജീവിത യാത്ര തുടങ്ങി ഞാൻ ചൈനയിൽ
ഇന്നിതാ വന്നെത്തി ലോകമെങ്ങും
ചൈനതൻ വൻമതിൽ കീഴടക്കി ഞാൻ
ഇന്നിതാ ലോകത്തിൻ ചക്രവർത്തി
ഞാൻ വെറും കീടം മനുഷ്യരാൽ നിർമ്മിതം
കോടിക്കണക്കിനു സൈന്യമിപ്പോൾ
പേടിപ്പെടുത്തുവാൻ നോക്കേണ്ടൊരിക്കാലും
മാറി നടന്നാൽ നിനക്കു കൊള്ളാം
നീയൊന്നടുത്താൽ വേതാളമായി നിൻ
മരണത്തെ നൽകിയെ ഞാൻ മടങ്ങു
നിൻ പ്രിയരൊക്കവെ കൂടെ ഇരുന്നെന്നാൽ
അവരെയും യമലോകം കാട്ടീടും ഞാൻ
സ്വയം മരിക്കാൻ ഭയമില്ലാ കീടം ഞാൻ
ഒറ്റയാനായി മദിക്കുവാനേറെയിഷ്ടം
ഏവരെയും ഭയപ്പാടിലാക്കി
ഞാനിതാ രുദ്രതാണ്ഡവമാടീടുന്നു.
