വന്നല്ലോ വീണ്ടും നല്ലയൊരോണം
മാവേലിമന്നന്റെ ഓർമയുമായ്!
ആഘോഷിക്കണം ഈ ഓണത്തേയും
എന്നത്തേയുംപോലെതന്നെയതും!
മാവേലിമന്നൻ വാണൊരു നാട്ടിൽ
മാലോകരെല്ലാം സന്തോഷത്തോടേ...
തമ്പുരാനെത്തും സമയത്തിന്നായ്
ആഘോഷമായിയിന്നുമുതൽക്കും!
അത്തം തുടങ്ങി പത്തു ദിനങ്ങൾ
മാവേലിനാട്ടിൽ ഉത്സവമല്ലേ!
വിസ്മരിക്കുമോ കേരള മക്കൾ
മാവേലിമന്നന്റെയാ നാളുകൾ!
മാവേലിമന്നൻ വാണൊരു കാലം
വന്നൊന്നുകാണാൻ കൊതിയാമാർക്കും!
ആ നല്ലകാലത്തിൻ ഓർമയുമായ്
ഒന്നിച്ചു നീങ്ങണ്ടേ നമ്മളെല്ലാം.
ജാതിമത വൈരങ്ങളില്ലാത്ത
നല്ലൊരു നാളുകൾ വന്നുചേരാൻ...
കൂട്ടമായ് നമ്മൾക്കു പ്രാർത്ഥിക്കുവാൻ
ഈ പൊന്നോണനാൾ തുണയാവട്ടെ!
