അസ്തമിച്ചെത്ര സാമ്രാജ്യങ്ങൾ,
അസ്തമിച്ചെത്ര കുടിപ്പോരുകൾ!
കെട്ടുതീർന്നെത്ര ദാവാഗ്നികൾ,
ശാന്തമായെത്ര കൊടുങ്കാറ്റുകൾ!
വീണ്ടുമുണരും പുലരികൾ,
ശാന്തി സ്വപ്നം നിറയ്ക്കുവാൻ!
വീണ്ടും നവോന്മേഷസാന്ത്വനം
ജീവന്റെ ഹൃത്തിൽ മുഴക്കുവാൻ!
ഉദയാസ്തമയങ്ങൾ വെറും
തോന്നലോ, ദൃഷ്ടി വൈകല്യമോ?
അറിയാമനസ്സിന്റയുള്ളിലെ
നിത്യ ഇരുൾത്തിരയാട്ടമോ?
അസ്തമിച്ചെന്നൊരു തോന്നൽ
വീണ്ടുമുദിച്ചെന്ന സംതൃപ്തിയും;
ജീവിതത്തിരുമുറ്റത്താടും
നടന വിസ്മയ ദൃശ്യമോ?
