ചിങ്ങവെയിലിൻ ചുംബനച്ചൂടേറ്റ്  നാണിച്ചിരിക്കും ശ്രാവണപൂക്കളെ 

കുവയിലത്തേരേറ്റി  പൂവിളിയാൽ

മുറ്റത്തെ ആവണിപ്പൂത്തറയിൽ

സ്നേഹത്തിൻ വർണ്ണചാരുത നിറച്ചു 

ശ്രാവണചന്ദ്രിക  അഴകുതുന്നിയ

നിലാപൂക്കളണിഞ്ഞെത്തിയ  

ഓണനിലാവിൻ  ഞൊറികളിൽ

ആത്മബലിയേകിയ പുണ്യത്തിൻ ആദർശസ്വപ്നം തിളങ്ങിയല്ലോ

തൂശനിലത്തുമ്പോളം സമൃദ്ധിയിൽ

ആലോത്തൂഞ്ഞാലിൽ ആയത്തിലാടി

ചെമ്മാനത്തെ ചേമന്തിപൂക്കളിറുത്തു

ഉജ്ജ്വലമാം സ്മൃതിവസന്തത്തെ

ഒരുമതന്നോണമായ് പൂചൂടിക്കാം