മാറുന്ന ലോകത്തിൻ  മാറ്റങ്ങളോടൊത്ത് 
മാറിടേണം  നമ്മൾ  മുന്നേറണം. 
യൂട്യൂബിലേക്കൊന്ന്  എത്തിനോക്കിയിന്നു -
"ഡ്യൂഡ് " തൻ " കുഞ്ഞുമോൾ ഡ്യൂഡി" യുമായ് 
മറ്റൊരു  തർക്കവുമായിന്നു  വന്നവൻ -
യൂട്യൂബിൽ റേറ്റിംഗിൽ ഒന്നാമനായ്. 

"ടിക്ടോക്ക് " പോയതിൽ ഖേദമില്ലിന്നു  നാം 

"ടിക് ടിക്ക് " തേടിയിറങ്ങിടുന്നു. 

ഞെട്ടിയുണർന്നിടും  സ്വപ്നത്തിലെന്നപോൽ -

പൊട്ടിത്തെറിക്കുന്നു പബ്ജിയന്മാർ. 

പബ്ജി നിരോധനം നൽകിയവനൊരു 

സംസാരശേഷിയെന്നമ്മ  ചൊല്ലി. 

വാട്സാപ്പും എഫ്ബി യും  കേറിമാടുത്തിന്ന് 

ചാറ്റിങ്ങും ചീറ്റിങ്ങും ബോറിങ്ങിലായ്. 

 ഇൻസ്റ്റാഗ്രാമിൽ പുതു കോണ്ടെസ്റ്റ് കണ്ടതും 

ലൈക്കിനായ്  യാചിച്ചു മത്സരിക്കെ -

രാവുപകലുകൾ മറയുന്നതറിയാതെ 

ടൈപ്പിങ്ങും  വാച്ചിങ്ങും ആയിരിക്കെ -

ലൈക്കിങ്ങും ഷെയറിങ്ങും പോസ്റ്റിങ്ങും മാത്രമായ്  

 ചങ്ങലക്കെട്ടിലാണിന്നു  ലോകം.