ആ മരക്കൊമ്പില്‍ തൂങ്ങും
ഊഞ്ഞാലിലാടാനായി
ആരാദ്യം ചെന്നുകേറു-
മവര്‍ക്കു സമ്മാനങ്ങള്‍
ആനവാല്‍ക്കെട്ടിയുള്ളോ-
രാശ്ചര്യമോതിരങ്ങള്‍
ആടുന്ന കുതിരയും
മിഠായിപ്പൊതികളും
മുറ്റത്തു കളിച്ചീടും
കുഞ്ഞുങ്ങളോരോന്നായി
മുമ്പേ ഞാന്‍ മുമ്പേയെന്നു
പറഞ്ഞു ഓടിച്ചെന്നു
കൂട്ടത്തില്‍ ചെറുതായ
കുഞ്ഞുണ്ണിയോടിടാതെ
കരഞ്ഞുനിന്നുമവ-
നോടുവാന്‍ കെല്‍പ്പില്ലാതെ
കൈകളുണ്ടെന്നാകിലും
കാലുകള്‍ നല്‍കിയില്ല
കൊടുക്കും ദൈവമേന്തെ-
യിങ്ങനെ ചതിച്ചെയ്‌വൂ
ഓര്‍ക്കാതെ ഞാനുമെന്തോ-
മന്നേരമോതിപ്പോയി
ഒട്ടൊരു തെറ്റുത്തന്നെ
സംശയമേതുമില്ല
ഊഞ്ഞാലിലാടുവാനോ-
യെനിക്കു കൊതിയില്ല
ഊഞ്ഞാലിന്‍ പിടിവിട്ടു
ഓരോരോ കുഞ്ഞുമപ്പോള്‍
നീ തന്നെമുന്‍പേച്ചെന്നു
ചേരുക മടിക്കേണ്ട
നിനക്കു നല്‍കും ഞങ്ങളീ-
നല്ല സമ്മാനങ്ങള്‍
