(രാമചന്ദ്രൻ, ഉദയനാപുരം)
സന്ധ്യ മയങ്ങുന്ന നേരം കുളിർതെന്നൽ
വീശും രാവിൽ, നിന്നെയും കാത്തു ഞാൻ...
ചിന്താവിവശനായ് നിദ്രാവിഹീനനായ്,
നിന്നൂ ഞാൻ, എന്നെ മറന്നു നിന്നൂ.
തൂമഞ്ഞു പെയ്യുന്ന രാത്രിയിൽ പാലൊളി-
ച്ചന്ദ്രികരാവിൽ, നിന്നെ നോക്കി ഞാൻ...
രാഗാർദ്രനാ,യൊരു പ്രേമഭിക്ഷുവായി,
നിന്നൂ ഞാൻ, എന്നെ മറന്നു നിന്നൂ.
ചെമ്പകം പൂക്കും രാവിൽ താരകം കണ്ണു
ചിമ്മും നേരം, നിന്നെയും ഓർത്തങ്ങു...
പ്രേമവിവശനായ് സ്വപ്നവും കണ്ടങ്ങു,
നിന്നൂ ഞാൻ, എന്നെ മറന്നു നിന്നൂ.
