കഥയില്ലാത്ത പാഴ്ച്ചെടികൾ
കമനീയ പുഷ്പം വിടർത്തി നിൽക്കും
ഗ്രാമത്തിന്നോടകൾ തോറുമിന്നും.
ആർക്കു വേണമാ സുഗന്ധം,
ആർക്ക് വേണമാ മൃദുത്വം,
ആർക്ക് വേണമായീറൻ മനസ്സിൽ പുഞ്ചിരികൾ.
കഥയും കാലവും മാറിപ്പിറക്കു-
മന്തകൻ വിത്തുകൾ നമുക്ക് പ്രീയം
ജീനുകൾ തോറും വിഷം നിറച്ച ചീഞ്ഞ
മീനുകൾ തന്നെ നമുക്ക് പ്രിയം.
കൊടിയ വിഷങ്ങൾ ഒളിപ്പിച്ച കായ്കനികൾ
കോളമ്പി ശബ്ദത്തിൽ വാങ്ങി തിന്നും
കോമാളികൾ നമ്മളിനീയും
കഥയും കാലവും മാറ്റിപ്പിറക്കു-
മന്തകൻ വിത്തുകൾ തേടിപ്പിടിക്കും.
