കവിതകൾ

(Ramachandran Nair)

കാണുന്നു നമ്മൾ നഗരത്തിൻ വിരിമാറിലെ-

പ്പാതയോരങ്ങളിൽ, നിത്യവുമെന്നോണം;

സൗന്ദര്യമേകും വസ്തുക്കളെ വിൽക്കാനിരിക്കും;

സാധുക്കളാം നാരീമണികളെ.

വളകൾ, പൊട്ടുകൾ, മാലകളെന്നു വേണ്ടാ,

ബാഹ്യമോടിയേറ്റിടും സാധനങ്ങളുണ്ടവിടെ;

മേനിതൻ സൗന്ദര്യത്തിൻ മാറ്റു കൂട്ടാൻ,

വാങ്ങിച്ചു കൂട്ടുന്നു നമ്മളവയോരോന്നും.

അറിയുന്നില്ല നമ്മൾ ആ നാരീമണിക-

ളനുഭവിക്കും തീരാ വേദനകളെ,

ശാലീന സുന്ദരികളല്ലായവരെങ്കിലും;

വിൽക്കുന്നു സൗന്ദര്യമേകും വസ്തുക്കൾ.

കൃത്രിമ സൗന്ദര്യമേകി നാം നമ്മുടെ മേനിയെ,

സൗന്ദര്യമുള്ളതാക്കി പ്രദർശിപ്പിച്ചിടുന്നു;

ചേർത്തു വയ്ക്കും ബാഹ്യസൗന്ദര്യങ്ങളൊന്നും

യഥാർത്ഥമല്ലെന്നോർക്കണം നമ്മൾ.