മാറിക്കയറിയ
ഒരു തീവണ്ടിക്കുള്ളിലാണ് ഞാൻ
ഒരു പരിചയവുമില്ലാത്ത സ്റ്റേഷനുകൾക്കിടയിലൂടെ
അന്തംവിട്ടു പായുകയാണിത്...
കഥ പറയുന്നൊരമ്മൂമ്മ
ഈ യാത്രക്കാരിലെവിടെയോ ഉണ്ട്.
എനിയ്ക്കപരിചിതമായൊരു ഭാഷയിലാണ്
അവർ സംസാരിക്കുന്നത്....
എന്നിട്ടും
ഏറ്റവും പ്രിയപ്പെട്ടൊരു
ഓർമ്മയ്ക്ക് ചുറ്റുമെന്നപോലെ
എൻ്റെ കണ്ണുകളിൽ
പഴയകാലത്തെയേതോ
മിന്നാമിനുങ്ങുകൾ തിളങ്ങുന്നു...
