(പൈലി.0.F)
മഴമുകിൽ വിടർന്നു നീലമേഘത്തിൽ,
നീലാംബുജംപോൽ വാർത്തിങ്കളും.
നീലാംബരത്തിൽ നീരദപൊയ്കയിൽ,
മാരിവിൽ മഞ്ഞൾക്കുറി വരച്ചു.
ഹൃദയസരസ്സിലുദിച്ചുണർന്നു,
ഹൃദയസഖി നിൻ പ്രണയവർണ്ണം.
മൂകാനുരാഗമായ് വിടർന്നുവെന്നിൽ,
നിന്നാത്മരാഗത്തിൻ അനുപല്ലവി.
അതിമോദമോടെ നിന്നരികിലെത്തി,
നിന്നന്ത:രംഗത്തിലൊന്നു ചേരാൻ.
ഒരു മാത്രയെനിക്കായ് തുറന്നിടു
നിൻ പ്രണയമൊഴുകുന്ന ഹൃദയവാതിൽ.
ഒരുമിച്ചു ചേരാനടുത്തു നമ്മൾ,
സുരഭിലയാമങ്ങൾ കാത്തിരുന്നു.
ഓർമ്മകൾതൻ സുഗന്ധവുമായ് ഞാൻ,
ഓമനിക്കാം നിന്നെയീരാത്രിയിൽ.
മുഗ്ദാനുരാഗം വിടരുമീ സന്ധ്യയിൽ,
പ്രണയാർദ്രനായ് ഞാനണഞ്ഞിടുന്നു.
