ലോകം അവസാനിക്കുന്നതിനു മുൻപ്
അങ്ങനെയൊരു വീട് ഉണ്ടായിരുന്നു
അത്തരത്തിലുള്ള ഒരേ ഒരു വീട്
മരവിച്ച സ്പർശങ്ങൾ ഇഴയുന്ന
തുറിച്ചു നോട്ടങ്ങൾ പറന്നു നടക്കുന്ന
ചോദ്യചിഹനങ്ങൾ കൊളുത്തി വലിക്കുന്ന
സംശയങ്ങൾ മാത്രം തളിർക്കുന്ന
കവചങ്ങൾക്കുള്ളിൽ അലിഞ്ഞില്ലാതാകുന്ന
അകലങ്ങളിൽ കൊളുത്തിയിട്ട സ്നേഹം നിറയുകയും ഒഴുകി പോവുകയും ചെയ്തേക്കാം
മുഖാവരണങ്ങൾക്കും മുഖങ്ങൾക്കും അതിർത്തികൾ ഇല്ലാതായേക്കാം
ഫിംഗർ ലോക്കുള്ള വാതിലുകൾ കൂടി വരികയും
ഫെയ്സ് ഡിറ്റക്ഷനുള്ള സാധ്യതകൾ മങ്ങിപ്പോകുന്ന ലോകം
മനുഷ്യൻ പാസ്സ് വേർഡായി ചുരുങ്ങിപ്പോയേക്കാം
പാലും എണ്ണയും പൈപ്പുലൈൻ വഴി എത്തിയേക്കാം
ഇങ്ങനെയൊരു ലോകം ഉണ്ടായിരുന്നു എന്ന തോന്നൽ മാത്രം അവശേഷിച്ചേക്കാം.
