തിളങ്ങുന്ന ശിശിരചന്ദ്രനും
ചാറ്റല്‍ മഴയും
മുഖത്തോടു മുഖം നോക്കുമ്പോള്‍
ഈ മരച്ചുവട്ടില്‍
നിശ്ശബ്ദമായ ഈ രാത്രിയില്‍
കൂട്ടിനായി
മുന്‍പെങ്ങോ കൊഴിഞ്ഞു വീണ
പുഷ്പങ്ങളും ഇലകളും മാത്രം.
നിഴലുകള്‍ വളര്‍ന്ന്,
മെല്ലെ മായുമ്പോള്‍
മത്സരിച്ചെത്തിയ ആദ്യ സൂര്യ
കിരണങ്ങളില്‍.
പുതിയ ഉത്സവവേളകളിലേക്ക്
നടന്നകന്നു പോയവരുടെ
കാല്‍പ്പാടുകള്‍
മഞ്ഞ് മൂടിയ തെരുവുകളില്‍
തെളിയുന്നു.
പുലരിവെളിച്ചത്തിനൊപ്പം
സ്വര്‍ഗ്ഗസമാനമായ പുഷ്പങ്ങളുടെ
ഗന്ധം പരക്കുന്നു.
