(Padmanabhan Sekher)
നേരം പുലർന്നേ പുലർന്നേ
സൂര്യൻ ഉദിക്കുന്ന നേരമടുത്തേ
ഉറക്കമുണർന്നേ ഉണർന്നേ
കോഴികൂവുന്ന നേരമടുത്തേ
കാക്ക ചിലച്ചേ ചിലച്ചേ
കട്ടൻകാപ്പിക്ക് നേരമടുത്തേ
മാർജ്ജാരൻ ഓടിഒളിച്ചേ ഒളിച്ചേ
പട്ടിയെ കെട്ടുന്ന നേരമടുത്തേ
പട്ടികുരച്ചേ കുരച്ചേ
പാൽക്കാരനെത്തുന്ന നേരമടുത്തേ
കഞ്ഞിതിളച്ചേ തിളച്ചേ
മുറ്റമടിക്കുവാൻ നേരമടുത്തേ
എണ്ണപുരണ്ടേ പുരണ്ടേ
നീരാടുവാൻ നേരമടുത്തേ
കുട്ടികൾ ഉണർന്നേ ഉണർന്നേ
സ്കൂളിലെത്തുവാൻ നേരമടുത്തേ
സ്നാനം കഴിഞ്ഞേ കഴിഞ്ഞേ
കാപ്പികുടിക്കുവാൻ നേരമടുത്തേ
യാത്രതിരിച്ചേ തിരിച്ചേ
ഓഫീസിലെത്തുവാൻ നേരമടുത്തേ
പണിതു വിശന്നേ വിശന്നേ
ഉച്ചക്ക് ഉണ്ണുവാൻ നേരമടുത്തേ
പണിതു തളർന്നേ തളർന്നേ
വീട്ടിലെത്തുവാൻ നേരമടുത്തേ
അന്തിഅടുത്തേ അടുത്തേ
സന്ധ്യനാമ നേരമടുത്തേ
കഞ്ഞി കുടിച്ചേ കുടിച്ചേ
അന്തി ഉറങ്ങുവാൻ നേരമടുത്തേ
നേരമടുത്തേ വീണ്ടും വീണ്ടും
നേരമടുത്തേ വീണ്ടും വീണ്ടും