മരണക്കയറുമായെത്തിടും മാരിയെ
ഉടലാൽ തടുക്കുന്നു മാലാഖ നീ
ഇന്നു നിൻ കരസ്പർശനമാണതു
നാളെയെൻ നെഞ്ചിടിപ്പിൻ സ്വരം
നീ തന്ന സാന്ത്വനം, നീ തന്ന ലാളന
നീ തന്ന ദാനമാണിന്നെന്റെ ജീവിതം
രാത്രി പകലുകൾ ഓർത്തിടുന്നില്ല നീ
രാത്രിമഴയായി പെയ്യുന്നു നീ
രാവിന്റെ മാറിൽ രോദനം കൊള്ളുന്ന
രാപ്പാടിയായിന്നു മാറുന്നു നീ
ആതുരസേവനം എന്നൊരു വാക്കിന്റെ
പാതിരാത്തിങ്കളായ് മാറുന്നു നീ
ഇന്നു നിൻ നെഞ്ചിലെ സ്നേഹത്തുടിപ്പുകൾ
എന്നും നാം ഓർത്തിടും ഹൃദയത്തുടിപ്പുകൾ
ഇന്നു നീതടുത്തിടും കരങ്ങളാൽ മാരിയെ
നാളെയും വേണമീ ദൈവത്തിൻ കരങ്ങൾ.
