മൊഴിയിൽ ലോഗിൻ ചെയ്ത ശേഷം രചനകൾ നേരിട്ടു സമർപ്പിക്കു.
Login/Register
 

Some of our best stories

  • ഓറിയന്റ് എക്സ്പ്രസ്

    Jojy Paul

    ക്രൊയേഷ്യൻ യാത്രയുടെ അവസാനരാത്രിയാണിന്ന്. ഏകമായ യാത്രകളിൽ കാണുന്നവരോടൊക്കെ മിണ്ടിയും പറഞ്ഞുമിരിക്കണമെന്നു തോന്നാറുണ്ടെങ്കിലും പലപ്പോഴുമതിനു കഴിയാറില്ല. എന്നിലേക്കുതന്നെ ഒതുങ്ങിക്കൂടി, ഒച്ചയും ബഹളങ്ങളിൽനിന്നുമെല്ലാം ഒഴിഞ്ഞുമാറി ഹോട്ടലിന്റെ ഏതെങ്കിലും മൂലയിൽചെന്നിരുന്നു എന്തെങ്കിലുമൊക്കെ വായിക്കാറാണ് പതിവ്.  പതിവിനു വിപരീതമായി ഇന്ന് ഹോട്ടൽബാറിൽ വെച്ചു പരിചയപ്പെട്ട  മാർക്കിനഭിമുഖമായിട്ടാണിരിപ്പ്.  

    Read more …

  • ബഡായിക്കഥ

    • MR Points: 100
    • Status: Ready to Claim

    badayikkadha

    Jojy Paul

    തൃശൂരുനിന്നും പാലക്കാട് വഴി കോയമ്പത്തൂർക്ക് ഇടയ്ക്കിടെ ഒരു യാത്രയുണ്ട്. പ്രത്യേകിച്ച് ഒരു ലക്ഷ്യവുമില്ലാത്ത യാത്ര. രണ്ടുമൂന്നു കൊല്ലം ജീവിച്ച സ്ഥലമാണ്. ഒരുപാട് സ്വപ്‌നങ്ങൾ പൂവിട്ട മണ്ണും. കുനിയമുത്തൂരിലെ ചോളപ്പാടങ്ങളും, പീളമേട്ടിലെ തുണിമില്ലുകളും, പൂമാർക്കറ്റിലെ പൂക്കടകളും, ശിരുവാണിയിലെ കുടിനീരും ഇടയ്ക്കിടെ ഓർമ്മയിൽവരും.

    Read more …

  • മസിനഗുഡി

    • MR Points: 100
    • Status: Ready to Claim
    masinagudi
    Joji Paul
    ആശുപത്രിക്കിടക്കയിൽ തിരിഞ്ഞും മറിഞ്ഞും കിടക്കാൻ തുടങ്ങിയിട്ടേറെ നേരമായി. ദേഹമാസകലം വലിഞ്ഞുമുറുകുന്ന വേദന. ഒരൽപ്പം ചൂടുവെള്ളം കുടിക്കണമെന്ന് തോന്നുന്നു. തൊണ്ട വറ്റിവരണ്ടിരിക്കുകയാണ്. മൊബൈൽ തപ്പിയെടുത്ത് സമയം നോക്കി. മൂന്നാകുന്നതേയുള്ളു. നേരം വെളുക്കാനിനിയും ഏറെയുണ്ട്.

    Read more …

  • കുമ്പളങ്ങ കനവുകള്‍

    • MR Points: 100
    • Status: Ready to Claim

    ഒരു വെളുപ്പാംകാലത്ത് ഇറയത്ത് തൂങ്ങിനിന്നുകൊണ്ട് കട്ടന്‍ മോന്തുമ്പോഴാണ് ശങ്കരന്‍ നായര്‍ ആ കാഴ്ച കണ്ടത്. തൊഴുത്തിന്റെ പിന്നിലൂടെ തല നീട്ടി കിടന്നിരുന്ന കുമ്പള വള്ളി പൂവിട്ടിരിക്കുന്നു.

    Read more …

  • ഇന്റർവ്യൂ

    interview

    മൂന്നാമത്തെ ഇന്റർവ്യൂവിനും അവളെ കണ്ടപ്പോൾ അവൻ ഒന്നു തീരുമാനിച്ചു, യാദൃശ്ചികതയുടെ സിദ്ധാന്തപുസ്തകം ഇനി അടച്ചുവയ്ക്കാം എന്ന്. 

    Read more …

kalathinte diary

Rajendran Thriveni

കാലത്തിന്റെ തുടിപ്പായി-                                  
ന്നൊരു ഡയറി കുറിക്കാൻ
ചങ്കിൽ കത്തും തീയുടെ ചൂടു
പകർന്നു നിറയ്ക്കാനിതു മാത്രം!
ശാന്തി തിരഞ്ഞു തകർന്നൊരു
ജീവന്റന്ത്യവിലാപം!

സ്വസ്ഥതയുണ്ടോ, മനസ്സുഖമുണ്ടോ
പേടി നിറയ്ക്കും ചിന്തകളല്ലേ?

ചുട്ടു പഴുത്തയിരുട്ടിൻനിഴലിൽ
ക്ഷീണം തിങ്ങിക്കണ്ണടയുമ്പോൾ;
ചിറകുവിരിച്ചുവരുന്നു സ്വപ്ന-
ക്കഴുകുകൾ കൊത്തിവലിക്കാൻ:

ഓലപ്പുരയുടെ മോന്താഴത്തിൽ
കെട്ടിത്തൂക്കിയ അതിജീവിതയുടെ
ചോരയൊലിക്കും മാംസത്തുണ്ടുകൾ
കനലാട്ടത്തിനു കെട്ടിയൊരുങ്ങി
തുള്ളിയുറഞ്ഞു വരുന്നു ...
ആസുരതാളം  മാറ്റൊലി തീർക്കും 
നിശയുടെ കട്ടയിരുട്ടിൽ!

ആകാശത്തൊരു മേഘക്കീറിനു      
തീയുടെ ചിറകു മുളച്ചോ...
ക്ഷീരപഥത്തിനു തീയിട്ടാർത്തൊരു 
വാൽനക്ഷത്രം പാഞ്ഞു വരുന്നു!

നക്ഷത്രങ്ങൾ പിളർന്നു 
മഴവിൽ ഞാണു തകർന്നു...
പാഞ്ഞു വരുന്നൊരു സൗരക്കാറ്റീ
മണ്ണിനെ നക്കിയെടുത്തു പറക്കാൻ!

ഭ്രാന്തു പിടിച്ച കടൽത്തിര 
രാക്ഷസരൂപമെടുത്തൊന്നലറി,
വായപിളർന്നൊരു ഭീകരനായി;
കണ്ടു നടുങ്ങി വൻകരയേഴും!

കടലിന്നടിയിൽ നിന്നു മുളച്ചു
വേരില്ലാത്ത സഹാറ!
അവിടെക്കടലിലെ ജലജീവികൾതൻ
എല്ലും തോടും പിരമിഡുതീർപ്പൂ!
വലിയ തിമിംഗല മസ്തകമവിടെ
നരസിംഹാകൃതിപൂണ്ടൊരു സ്ഫിൻക്സും!
അതിന്റെ കണ്ണിൽ, രാസച്ചിരിയുടെ
വികൃതി വെളിച്ചം കത്തുന്നിന്നും!

ലോകം കത്തിത്തകരും ചിത്രം...
നാഡീകലയുടെ നേർത്ത ഞരമ്പിൽ
ഭയമായ്പ്പടരും നാളിതിലെങ്ങനെ
ശാന്തിയിലാഴ്ന്നു മയങ്ങും?

ഒറ്റത്തുള്ളി ജലത്തിന്
വയറെരിയാത്തൊരു വറ്റിന്
ഒന്നു പിടയ്ക്കാൻ പ്രാണന്,
കണികാണാനൊരു പൂവിന്
മുറ്റത്തൊരു ചെറു കുരുവിക്ക്
പാങ്ങില്ലാത്തൊരു മണ്ണിൽ;
പാതി മരിച്ചു  കഴിഞ്ഞു
ശാപം പേറിയ ജന്മങ്ങൾ! 

അന്തിമ വിധിയുടെ നാളുകളെണ്ണി,
നരകത്തിരയുടെ  ഹുങ്കാരത്തിന്              
കാതുകളോർക്കും നാളുകളാണീ
കണ്ണിനു മുന്നിൽ കാണുക നിത്യം!

ശ്രേഷ്ഠ രചനകൾ

നോവലുകൾ

 malayalam novels
READ