വിട വാങ്ങുന്ന സന്ധ്യ
ചെറുചാറ്റല്‍ മഴത്താളം
പ്രകാശപൂരിതമീ ഉത്സവമൈതാനം
നിലാവു പോല്‍ പടരുന്ന വെള്ളിവെളിച്ചം
വര്‍ണ്ണക്കുടകള്‍
കാവടിയാട്ടം
നിറഞ്ഞൊഴുകുന്ന ജനക്കൂട്ടം
പഞ്ചവാദ്യത്തിന്‍ മന്ദ്രനാദം
ആല്‍ത്തറമുകളില്‍ മണ്‍തിട്ടകളില്‍
കല്‍പ്പടവുകളില്‍ താളലയത്തില്‍
സ്വയമലിയുന്ന പുരുഷാരം
മൈതാനമദ്ധ്യത്തില്‍
സ്വര്‍ണ്ണവര്‍ണ്ണത്തിളക്കത്തില്‍
ഭഗവതി തിടമ്പേന്തി
തലയാട്ടുന്ന കരിവീരന്‍
താളം മുറുകുന്നൂ.
കലാശക്കൊട്ടിന്‍ ലഹരിയില്‍
ആഘോഷരാവായ്
മനസ്സുകളില്‍ ആഹ്ളാദത്തിന്‍ പൂത്തിരികളായ്
പൂരം പൊട്ടിവിടരുന്നു.
മാനത്തണി ചേരും മഴമേഘനിര
അകലെയെങ്ങോ മഴത്താളത്തിന്‍ ഇരമ്പം
