ഇരുട്ട്
മരണ കാഹളം
വിരുന്നു വന്ന കാക്കയ്ക്കു
കറുത്ത പൂച്ച കാവൽ.
കരിമ്പടം മാറ്റിയപ്പോൾ
ഇറച്ചി വറ്റിയ
എല്ലിൻ കഷണങ്ങൾ മാത്രം!
കുഞ്ഞിനു വിശക്കുന്നു
കാക്കക്കുഞ്ഞിന്റെ വിശപ്പറിയുന്നോരാരുണ്ട്?
ഒരു , വെറും കാക്കക്കുഞ്ഞ്
കരഞ്ഞു കരഞ്ഞതുറക്കമായി.
വിരുന്നു വിളിച്ച വീട്ടിലേയ്ക്ക്
തള്ളക്കാക്ക പറന്നുചെന്നു
പടിയ്ക്ക്ൽ ഒരു കരിമ്പൂച്ച, ഒറ്റയ്ക്ക്
കണ്ണുകളിൽ പ്രതീക്ഷ കത്തുന്നു
വീട്ടുകാരൻ പൂച്ച -
കാക്കയ്ക്കു കാവൽ
"പേടിയ്ക്കേണ്ട , അവളിപ്പോൾ വരും
അരി വാങ്ങാൻ പോയതാണ് "
ഇരുൾ വീണു
അവൾ വന്നില്ല
ചോരയുടെ മണം
കരിമ്പടം നീക്കിയപ്പോൾ
എല്ലിൻ കഷണങ്ങൾ മാത്രം!
ഒരു കാക്കക്കുഞ്ഞ് കരഞ്ഞു
ഇരുട്ടിന്റെ കരിമ്പടത്തിനപ്പുറം
ഒരു കറുത്ത പൂച്ച
പതുങ്ങിയിരിക്കുന്നു.
