(Padmanabhan Sekher)

ചൊറിയൻ കറിയാച്ചനും

കുടവയറൻ അവറാച്ചനും

കുടവയർ കാട്ടിയും ചൊറിഞ്ഞും

അവർ പുനലൂർ ചന്തക്കു പോയി

കറിയാച്ചൻ ചൊറിയുന്ന ചേനയും

അവറാച്ചൻ ആട്ടിറച്ചിയും വാങ്ങി

സഞ്ചിയിൽ ചേനയും ആട്ടിറച്ചിയുമായി

നഗരത്തിലൂടെ നടന്ന് വീട്ടിലെത്തി

മറിയാമ്മ ചേനക്കറി ഉണ്ടാക്കി

സാറാമ്മ ആട്ടിറച്ചിക്കറിയും

കറിയാച്ചനും അവറാച്ചനും

അന്തിയിൽ അന്തിയുമായെത്തി

കറിയാച്ചൻ ആട്ടിറച്ചിയും

അന്തിയും മോന്തി കുടിച്ചു

അവറാച്ചൻ ചേനക്കറിയും

തൊട്ടു കുടിച്ചു രാത്രിയിൽ

 പുലരിയിൽ അന്തി ചതിച്ചു

കറിയാച്ചന് കുട്ടി കുടവയറ്

പുലരിയിൽ ചേനയും ചതിച്ചു

അവറാച്ചന് ചൊറിയും

കറിയാച്ചൻ അവറാച്ചന്

ചൊറിഞ്ഞു കൊടുത്തു

അവറാച്ചൻ കറിയാച്ചന്

കുടവയർ തടവിക്കൊടുത്തു

ചൊറിയൻ കറിയാച്ചൻ

ഒരു കുട്ടി കുടവയറനായി

കുടവയറൻ അവറാച്ചൻ

അങ്ങനെ ചൊറിയനുമായി

ചൊറിഞ്ഞും തടവിയുമവർ

നാട്ടിൽ പിരിയാൻ പറ്റാത്ത

ചൊറിയൻ വയറാച്ചൻമാർ

എന്നറിപ്പെട്ട കൂട്ടുകാരായി