കവിതകൾ

ഭ്രാന്തമായ് അലയുന്ന രാവുകൾ തന്നിലും

തെളിവുകൾക്കായിന്ന് അലയുന്നു കോടതി.

അന്യായന്യായ വ്യവസ്ഥകൾ കൊണ്ടിന്ന്-

കീഴടക്കുന്നിതാ സത്യത്തിൻ സത്വത്തെ.

ന്യായത്തെളിവുകൾ കൊണ്ടുവന്നീടുന്ന

വക്കീലിൻ വാക്കുകൾ മുഖവിലയാക്കിടും.

നിരവധി തൂക്കുകയർ വിധിച്ചിന്നയാൾ -

വിധിയുമായ് പൊരുതുന്നു വിദൂരമാം വേദിയിൽ.

സത്യം ജയിപ്പതും സത്യം ത്യജിപ്പതും
സംഭവബഹുലമായീ ടുന്നു വിധിയിന്ന്.

പലവസ്ത്രധാരികൾ പലയുക്തിവാദികൾ
പ്രതികളായ് വേഷമിടുന്നിതാ ധാരയിൽ.