(Ramachandran Nair)
നമ്മോടൊപ്പമുണ്ടായിരുന്ന പല-
യാളുകളുമിന്നൊരോർമയായല്ലോ!
ഇന്നല്ലെങ്കിൽ നാളെ നാമും പോയിട്ടൊ-
രോർമയായി മാറും മറ്റുപലർക്കും!
നമ്മുടെ ദീർഘയാത്രയിലെയൊരി-
ടത്താവളമാണു ഭൂമിയെന്നോർക്കൂ.
ശാശ്വതമല്ല ജീവിതമീ ഭൂവിൽ,
ചെയ്യാനുണ്ടു കർമങ്ങളൊരുപിടി!
നേരമില്ലയൊട്ടും നമുക്കിവിടെ,
തീർക്കണം കർമങ്ങളെത്രയും വേഗം!
ഹ്രസ്വമായിട്ടുള്ളൊരീ ജീവിതത്തിൽ,
പുണ്യകർമങ്ങൾ ചെയ്യണം നാമെന്നും!
വീണ്ടുമൊരു തിരിച്ചുവരവില്ലാ,
നമ്മൾക്കിനിയിവിടെയെന്നോർക്കണം!