മൊഴിയിൽ ലോഗിൻ ചെയ്ത ശേഷം രചനകൾ നേരിട്ടു സമർപ്പിക്കു.
Login/Register
 

Some of our best stories

  • ഓറിയന്റ് എക്സ്പ്രസ്

    Jojy Paul

    ക്രൊയേഷ്യൻ യാത്രയുടെ അവസാനരാത്രിയാണിന്ന്. ഏകമായ യാത്രകളിൽ കാണുന്നവരോടൊക്കെ മിണ്ടിയും പറഞ്ഞുമിരിക്കണമെന്നു തോന്നാറുണ്ടെങ്കിലും പലപ്പോഴുമതിനു കഴിയാറില്ല. എന്നിലേക്കുതന്നെ ഒതുങ്ങിക്കൂടി, ഒച്ചയും ബഹളങ്ങളിൽനിന്നുമെല്ലാം ഒഴിഞ്ഞുമാറി ഹോട്ടലിന്റെ ഏതെങ്കിലും മൂലയിൽചെന്നിരുന്നു എന്തെങ്കിലുമൊക്കെ വായിക്കാറാണ് പതിവ്.  പതിവിനു വിപരീതമായി ഇന്ന് ഹോട്ടൽബാറിൽ വെച്ചു പരിചയപ്പെട്ട  മാർക്കിനഭിമുഖമായിട്ടാണിരിപ്പ്.  

    Read more …

  • ബഡായിക്കഥ

    • MR Points: 100
    • Status: Ready to Claim

    badayikkadha

    Jojy Paul

    തൃശൂരുനിന്നും പാലക്കാട് വഴി കോയമ്പത്തൂർക്ക് ഇടയ്ക്കിടെ ഒരു യാത്രയുണ്ട്. പ്രത്യേകിച്ച് ഒരു ലക്ഷ്യവുമില്ലാത്ത യാത്ര. രണ്ടുമൂന്നു കൊല്ലം ജീവിച്ച സ്ഥലമാണ്. ഒരുപാട് സ്വപ്‌നങ്ങൾ പൂവിട്ട മണ്ണും. കുനിയമുത്തൂരിലെ ചോളപ്പാടങ്ങളും, പീളമേട്ടിലെ തുണിമില്ലുകളും, പൂമാർക്കറ്റിലെ പൂക്കടകളും, ശിരുവാണിയിലെ കുടിനീരും ഇടയ്ക്കിടെ ഓർമ്മയിൽവരും.

    Read more …

  • മസിനഗുഡി

    • MR Points: 100
    • Status: Ready to Claim
    masinagudi
    Joji Paul
    ആശുപത്രിക്കിടക്കയിൽ തിരിഞ്ഞും മറിഞ്ഞും കിടക്കാൻ തുടങ്ങിയിട്ടേറെ നേരമായി. ദേഹമാസകലം വലിഞ്ഞുമുറുകുന്ന വേദന. ഒരൽപ്പം ചൂടുവെള്ളം കുടിക്കണമെന്ന് തോന്നുന്നു. തൊണ്ട വറ്റിവരണ്ടിരിക്കുകയാണ്. മൊബൈൽ തപ്പിയെടുത്ത് സമയം നോക്കി. മൂന്നാകുന്നതേയുള്ളു. നേരം വെളുക്കാനിനിയും ഏറെയുണ്ട്.

    Read more …

  • കുമ്പളങ്ങ കനവുകള്‍

    • MR Points: 100
    • Status: Ready to Claim

    ഒരു വെളുപ്പാംകാലത്ത് ഇറയത്ത് തൂങ്ങിനിന്നുകൊണ്ട് കട്ടന്‍ മോന്തുമ്പോഴാണ് ശങ്കരന്‍ നായര്‍ ആ കാഴ്ച കണ്ടത്. തൊഴുത്തിന്റെ പിന്നിലൂടെ തല നീട്ടി കിടന്നിരുന്ന കുമ്പള വള്ളി പൂവിട്ടിരിക്കുന്നു.

    Read more …

  • ഇന്റർവ്യൂ

    interview

    മൂന്നാമത്തെ ഇന്റർവ്യൂവിനും അവളെ കണ്ടപ്പോൾ അവൻ ഒന്നു തീരുമാനിച്ചു, യാദൃശ്ചികതയുടെ സിദ്ധാന്തപുസ്തകം ഇനി അടച്ചുവയ്ക്കാം എന്ന്. 

    Read more …

(Sathish Thottassery)

അഖിലേന്ത്യ വിദ്യാർത്ഥി ഫെഡറേഷൻ തിരുവനന്തപുരത്തു സംഘടിപ്പിച്ച അന്താ രാഷ്ട്ര വിദ്യാർത്ഥി സംഗമം വി.ജെ. ടി ഹാളിൽ നടക്കുന്നു. രണ്ടു ദിവസത്തെ സമ്മേളനത്തിൽ പകൽ സമയത്തു് മുതിർന്ന നേതാക്കൾ സ്റ്റഡി ക്ലാസുകൾ എടുക്കും. വൈകുന്നേരങ്ങളിൽ കലാസാഹിത്യ പരിപാടികൾ.

ലോകത്തിന്റെ വിവിധ ഭാഗങ്ങളിൽ നിന്നുള്ള വിദ്യാർഥികൾ പങ്കെടുക്കുന്ന  സമ്മേളനം. സമാപന ദിവസം ഓ എൻ വി യുടെയും വൈക്കം ചന്ദ്രശേഖരൻ നായരുടെയും തകർപ്പൻ പ്രസംഗങ്ങൾക്കു ശേഷം കലാപരിപാടികൾ. തൃശൂരിൽ നിന്നുള്ള ഞങ്ങളുടെ ടീമിന്റെ പരിപാടി നിശ്ചലദൃശ്യം (ടാബ്ലോ)ആയിരുന്നു. കറുത്ത നിറമാണെങ്കിലും യേശു ദേവന്റെ മുഖഛായയും മുടിയും താടിയും ഉണ്ടായിരുന്ന ആന്റണിയാണ് കുരിശിൽ തറക്കപ്പെട്ട ജീസസ് ആയി സ്റ്റേജിൽ കയറേണ്ടത്‌. സ്റ്റേജ് എല്ലാം സെറ്റ് ആക്കി ആന്റണിയുടെ കൈകാലുകൾ കുരിശുമായി ബന്ധിച്ചു. കെട്ടുകൾ എല്ലാം മറച്ചു കൈപ്പത്തികളിൽ ചുവന്ന മഷികൊണ്ട് രക്തക്കറകളും തീർത്തു. ജീസസിന്റെ പടങ്ങളിലും പ്രതിമകളിലുമൊക്കെ കാണുന്ന പോലെ തിരുവസ്ത്രം അരക്കെട്ടിൽ തൊടീച്ചുവെച്ചു. ആ ഇത്തിരി തുണിയൊഴിച്ചാൽ ആന്റണി ദിഗംബരൻ. 

അന്നൗൺസ്‌മെന്റിനുശേഷം കർട്ടൻ ഉയർന്നു. സദസ്സിൽ പിൻ ഡ്രോപ്പ് സൈലെൻസ്‌. സ്റ്റേജിന്റെ ഉള്ളിൽ ഒരു വശത്തേക്ക് മാറിനിന്നിരുന്ന ചമയക്കാരൻ അന്റണിയോട് വയർ ഒന്നും കൂടി എക്കി പിടിക്കാൻ പറഞ്ഞു. ആന്റണി വയർ എക്കിയതും തിരുവസ്ത്രം അരയിൽ നിന്നും പിണങ്ങി താഴോട്ട് വീണു. ജീസസ് വി.ഐ. പി ഫ്രഞ്ചിയുമിട്ടു കുരിശിൽ...അന്നുവരെ കാണികളാരും കാണാത്ത ദൃശ്യ വിസ്മയം....സീൻ ആസ്വദിച്ചു കൊണ്ട് വായും പൊളിച്ചുനിൽകുന്ന കർട്ടൻ പൊക്കിയോട് നിസ്സഹായനായ ജീസസിന്റെ കുരിശിൽ നിന്നുള്ള കല്പന. "കർട്ടൻ താഴ്‌ത്തട തെണ്ടീന്ന്‌ "കർട്ടൻ  താഴ്ത്തിയിട്ടും സദസ്സിൽ പല ഭാഷയിലുള്ള കൂവൽ തുടർന്നു. 

 

ശ്രേഷ്ഠ രചനകൾ

നോവലുകൾ

 malayalam novels
READ