മികച്ച കവിതകൾ

(Dr.Playiparambil Mohamed Ali)

ഇംതിയാസ് ധാർക്കർ പാകിസ്ഥാൻ വംശജയായ ഒരു ഇംഗ്ലീഷ് കവയിത്രിയാണ്. UK ൽ ജീവിക്കുന്ന ധാർക്കർ  ഒരു ചിത്രകാരിയും, ചലച്ചിത്രകാരിയും കൂടിയാണ്.

Postcards from God, Luck is the hook, Over the moon, The terrorist at my table, I speak for the devil തുടങ്ങിയവ പുസ്തകങ്ങൾ പ്രസിദ്ധീകരിക്കപ്പെട്ടിട്ടുണ്ട്. Postcards from God അവരുടെ ആദ്യത്തെ സമാഹാരമാണ്. 2014 ൽ അവർ കവിതയ്ക്ക് രാജ്ഞിയുടെ സ്വർണ്ണ മെഡൽ നേടിയിരുന്നു. ധാർക്കറിന്റെ കവിതകൾ ഹൈസ്കൂൾ തലത്തിൽ കുട്ടികൾക്കു പഠിക്കാനായി തിരഞ്ഞെടുക്കപ്പെട്ടിട്ടുണ്ട്. 

വിവർത്തനം . പി .എം .അലി

ഒരു ഫോട്ടോഗ്രാഫിനും കഴിയില്ല അവിടെ ഒരു വീടുണ്ടായിരുന്നതു പകർത്താൻ ,
അതെന്നോ ഒരു സ്വപ്നമായിതത്തീർന്നു .

എന്റെ ഭിത്തിയിൽ തൂക്കാനോ ,
നീ അനാർക്കലി ബസാറിൽ പോയിരുന്നു എന്നറിയിക്കാനോ ,
ഗുൽമോഹർ മരങ്ങൾ പൂത്തുല്ലസിക്കുന്നുവെന്നോ ,
അവിടെ കുയിൽ കൂകുന്നു എന്നോ അറിയിക്കാനോ
എനിക്കയക്കരുത്, ഒരു മിനിയേച്ചർ പെയിന്റിംഗ് ,
ഒട്ടകത്തിന്റെ രോമങ്ങൾകൊണ്ട് നിർമ്മിച്ച ബ്രൂഷകൊണ്ട് വരച്ചത്

എല്ലാം മാറിക്കൊണ്ടിരിക്കുന്നു ,
ഇത് നീ എന്നോട് പറയുക ,
പ്രകാശം , പണിതുകൊണ്ടിരിക്കുന്ന കെട്ടിടങ്ങളിൽ,
ചരിഞ്ഞു വീണുകൊണ്ടിരിക്കുമ്പോൾ ,
ഇരുമ്പു കമ്പികൾ നാട്ടുമ്പോൾ
ഗോപുരങ്ങളും ഗ്രഹങ്ങളും നിർമ്മിക്കാൻ ,
പകുതിവരച്ച നഗരരേഖകകളിൽ ,
സത്യം ആവർത്തിച്ചു പറയുകയും
ഒരു വാണിഭമായി കച്ചവടം നടത്തുകയും ചെയ്യുമ്പോൾ
പുതുതായി നിർമ്മിച്ച മാളുകളിൽ .

ചേരാത്ത താക്കോലുമായി ഞാൻ അവിടെ വരുന്നു
ആ വീടിന്റെ വാതിൽ തുറക്കാൻ
എയർ കണ്ടീഷൻ യൂണിറ്റുകൾ ശബ്ദമുണ്ടാക്കുകയും
തുപ്പിക്കൊണ്ടിരിക്കുകയും ചെയ്യുന്ന
പട്ടണപ്രാന്ത വസതികളിൽ നിന്നും
ആരോ അവിടെ ഒരു മുറി പണിതു
ഒരു ജനലിനുള്ള സ്ഥലം വിട്ടുകൊണ്ട് .

ഒരു മുറി തുറക്കുന്നു , ഒരാഗ്രഹം ,
അതിനെ പുച്ഛിക്കാതിരിക്കുക
ഏകദേശം പൂർണ്ണമാക്കപ്പെട്ട നഗരത്തിൽ
എനിക്ക് നീ അയക്കുക
ഒന്നും ഒരിക്കലും നിശ്ചിതമല്ല
എന്ന അറിവുമായി
ഞാൻ എന്റെ കീശയിൽ സൂക്ഷിക്കും
എന്നെന്നും , എന്റെ തീർന്നിട്ടില്ലാത്ത നഗരത്തിന്റെ ഭിത്തി .