ഇന്നെന്‍റെയുള്ളിലെ മൺ ചെരാതിൽ
ഞാനെന്നാശകൾ തൻ തിരി നീട്ടി
അന്നെന്‍റെയുള്ളിലെ നേർത്ത നിലാ സ്പർശമേറ്റൊരാ ഗ്രാമത്തെ പുൽകാൻ
എന്നും നിലാക്കുയിൽ പാടുന്നൊരാ മലർക്കുന്നിൻ ചെരുവിലെപ്പൂക്കൾ
ഇന്നെൻ മനതാരിലില്ലെങ്കിലും അതെ
ന്നോർമ്മയിൽ സൗരഭ്യമേകും
ഞാനിന്നിതാ എന്റെ പഥയാത്ര തുടരുന്നു
എൻ മണ്ണിലേക്കണഞ്ഞീടാൻ
കുളിരാർന്ന നാളുകൾ തളിരാർ ന്നൊരോർമകൾ
മഴയോർമ്മകൾ പുണർന്നീടാൻ
ഇന്നിത്ര ശോക വിമൂകമാം വഴിയോര
മാരുടെ വരവോർത്തു നിൽപ്പൂ
മഴയുടെ നറുനിലാക്കുളിർ ചൂടി നിന്നൊരാ തളിർ മരമെങ്ങോ മറഞ്ഞു
കുളിരാർന്ന മാരുതൻ തഴുകിയ വയലോര
മെങ്ങോ പോയ് മറഞ്ഞെന്നോ
അണയുമോ ഈ മണ്ണിന്നാത്മാവു പോലു
മിന്നിനി വരും നാളുകളൊന്നിൽ
