മൊഴിയിൽ ലോഗിൻ ചെയ്ത ശേഷം രചനകൾ നേരിട്ടു സമർപ്പിക്കു.
Login/Register
 

Some of our best stories

  • ഓറിയന്റ് എക്സ്പ്രസ്

    Jojy Paul

    ക്രൊയേഷ്യൻ യാത്രയുടെ അവസാനരാത്രിയാണിന്ന്. ഏകമായ യാത്രകളിൽ കാണുന്നവരോടൊക്കെ മിണ്ടിയും പറഞ്ഞുമിരിക്കണമെന്നു തോന്നാറുണ്ടെങ്കിലും പലപ്പോഴുമതിനു കഴിയാറില്ല. എന്നിലേക്കുതന്നെ ഒതുങ്ങിക്കൂടി, ഒച്ചയും ബഹളങ്ങളിൽനിന്നുമെല്ലാം ഒഴിഞ്ഞുമാറി ഹോട്ടലിന്റെ ഏതെങ്കിലും മൂലയിൽചെന്നിരുന്നു എന്തെങ്കിലുമൊക്കെ വായിക്കാറാണ് പതിവ്.  പതിവിനു വിപരീതമായി ഇന്ന് ഹോട്ടൽബാറിൽ വെച്ചു പരിചയപ്പെട്ട  മാർക്കിനഭിമുഖമായിട്ടാണിരിപ്പ്.  

    Read more …

  • ബഡായിക്കഥ

    • MR Points: 100
    • Status: Ready to Claim

    badayikkadha

    Jojy Paul

    തൃശൂരുനിന്നും പാലക്കാട് വഴി കോയമ്പത്തൂർക്ക് ഇടയ്ക്കിടെ ഒരു യാത്രയുണ്ട്. പ്രത്യേകിച്ച് ഒരു ലക്ഷ്യവുമില്ലാത്ത യാത്ര. രണ്ടുമൂന്നു കൊല്ലം ജീവിച്ച സ്ഥലമാണ്. ഒരുപാട് സ്വപ്‌നങ്ങൾ പൂവിട്ട മണ്ണും. കുനിയമുത്തൂരിലെ ചോളപ്പാടങ്ങളും, പീളമേട്ടിലെ തുണിമില്ലുകളും, പൂമാർക്കറ്റിലെ പൂക്കടകളും, ശിരുവാണിയിലെ കുടിനീരും ഇടയ്ക്കിടെ ഓർമ്മയിൽവരും.

    Read more …

  • മസിനഗുഡി

    • MR Points: 100
    • Status: Ready to Claim
    masinagudi
    Joji Paul
    ആശുപത്രിക്കിടക്കയിൽ തിരിഞ്ഞും മറിഞ്ഞും കിടക്കാൻ തുടങ്ങിയിട്ടേറെ നേരമായി. ദേഹമാസകലം വലിഞ്ഞുമുറുകുന്ന വേദന. ഒരൽപ്പം ചൂടുവെള്ളം കുടിക്കണമെന്ന് തോന്നുന്നു. തൊണ്ട വറ്റിവരണ്ടിരിക്കുകയാണ്. മൊബൈൽ തപ്പിയെടുത്ത് സമയം നോക്കി. മൂന്നാകുന്നതേയുള്ളു. നേരം വെളുക്കാനിനിയും ഏറെയുണ്ട്.

    Read more …

  • കുമ്പളങ്ങ കനവുകള്‍

    • MR Points: 100
    • Status: Ready to Claim

    ഒരു വെളുപ്പാംകാലത്ത് ഇറയത്ത് തൂങ്ങിനിന്നുകൊണ്ട് കട്ടന്‍ മോന്തുമ്പോഴാണ് ശങ്കരന്‍ നായര്‍ ആ കാഴ്ച കണ്ടത്. തൊഴുത്തിന്റെ പിന്നിലൂടെ തല നീട്ടി കിടന്നിരുന്ന കുമ്പള വള്ളി പൂവിട്ടിരിക്കുന്നു.

    Read more …

  • ഇന്റർവ്യൂ

    interview

    മൂന്നാമത്തെ ഇന്റർവ്യൂവിനും അവളെ കണ്ടപ്പോൾ അവൻ ഒന്നു തീരുമാനിച്ചു, യാദൃശ്ചികതയുടെ സിദ്ധാന്തപുസ്തകം ഇനി അടച്ചുവയ്ക്കാം എന്ന്. 

    Read more …

എഴുതുവാൻ വയ്യെനിക്കൊറ്റവരി പോലും...
കോവിഡിൻ ഭീതിയിൽ ഉലകം നടുങ്ങവെ

ഉരിയാടുവാനാവതില്ലൊറ്റ വാക്കു പോലും...
ഒരു ചെറുവണു കൊടുങ്കാറ്റായ് ആഞ്ഞടിച്ചീടവെ

പഠിപ്പിക്കുന്നിതു നമ്മെ പാഠങ്ങൾ പലതുമെ... (2)
ശമിപ്പിച്ചിടുന്നിന്നിൻ അതിമോഹാസക്തികൾ

ഒരു ചെറുവണുവാലെ വിറങ്ങലിക്കുവതത്രെ...
വൻകരകളേഴും വാനഗോപുരങ്ങളും

ഒരു ചെറുവണുവാലെ കീഴടക്കുവതത്രെ...
മഹാശക്തികളേതും സൈന്യബലങ്ങളും

ഒരു ചെറുവണുവാലെ മുടങ്ങപ്പെടുവതത്രെ...
ഉല്ലാസങ്ങളേതുമേ പൊള്ളത്തരങ്ങളും

ഒരു ചെറുവണുവാലെ മാറ്റപ്പെടുവതത്രെ...
ചട്ടക്കൂടുതീർത്തുള്ളൊരാ പഠനപ്പരാക്രമം

ഒരു ചെറുവണുവാലെ നിർത്തപ്പെടുവതത്രെ...
പണത്തിനായ് പാഞ്ഞിടും തത്രപ്പാടെല്ലാമെ

ഒരു ചെറുവണുവാലെ ആർജ്ജിക്കുവതത്രെ...
അടക്ക മിതവ്യയ അനുസരണാദികൾ

സർവ്വം വ്യാപിക്കയായ് ദീനവിലാപങ്ങൾ...(2)
പാതാളഗർഭിയാം അട്ടഹാസമെന്നപോൽ

കരിമുകിലെ വേർപെടും മഴത്തുള്ളികളെന്നപോൽ... (2)
കണക്കില്ലാതെ പൊലികയായ് വിലപ്പെട്ടോരുയിരുകൾ

പീരങ്കി അണുബോംബ് മിസൈലാദികളെല്ലാം ...
നിഷ്പ്രഭമത്രെ ഈ ചെറുവണുവിനു മുന്നിൽ

പൂജകൾ കുർബാന നിസ്ക്കാരാദികളെല്ലാം...
നിരർത്ഥകമത്രെ ഈ ചെറുവണുവിനു മുന്നിൽ

എവിടെ മനുഷ്യൻ നിഷ്ക്രിയനാക്കപ്പെടുവതോ ...
അവിടെസ്സജീവമാം പക്ഷി - മൃഗാദികൾ

ഇവിടെ പ്രകൃതിതൻ വിധിവൈപരീധ്യമോ...?
ഇവിടെ... പ്രകൃതി കാംക്ഷിക്കുമാ നീതിയോ...?

എത്ര കുസുമങ്ങൾ പൊഴിഞ്ഞിട്ടുണ്ടാകുമീ...
രചനതൻ ഇടവേളയ്ക്കുള്ളിലെന്നറിയില്ല !!!

ഇനിയൊരു രചന - വികൃതിക്കീ പാരിതിൽ...
ഞാനവശേഷിക്കുമോ എന്നതറിയില്ല !!!

സ്വജീവൻ പോലുമേ തൃണവത്ക്കരിച്ചവർ... (2)
പണിയുന്നു പാരിനായ് മാനവരാശിക്കായ്

അവരത്രെ സ്വഗ്ഗത്തിൻ സന്ദേശവാഹകർ...
അവർക്കല്ലൊ ഹൃദയംതൊട്ടുള്ളൊരെൻ കൂപ്പുകൈ

വരികയായ് കരുതലിൻ ഒരുമതൻ നിമിഷങ്ങൾ...
നിലകൊണ്ടിടാം സ്വസ്ഥം അതിജീവനത്തിനായ്

അധരത്തിൽ മിഴികളിൽ വദനത്തിൽ ഹൃത്തതിൽ ... (2)
ഉയരുന്നൊരേമന്ത്രം... അതിജീവന മഹാമന്ത്രം

പഠിപ്പിക്കുന്നിതു നമ്മെ പാഠങ്ങൾ പലതുമെ... (2)
പഠിക്കുക പാഠങ്ങൾ പുതിയ യുഗത്തിനായ്

ശ്രേഷ്ഠ രചനകൾ

നോവലുകൾ

 malayalam novels
READ