മലയാളികളൊന്നായ് മരുവുന്നു ഈ കേരനാട്ടിൽ,
മധുമാസപ്പുലരികൾ പൂക്കുന്നു പൊൻവയലുകളിൽ.
കിളികൾക്കു കൂട്ടായ് മൂളുന്നു കുളിരരുവികളും
വിളകൾക്കുയിരു പകരുന്നു വെൺനദികളുമേ.
ഗിരിനിരകൾ പോറ്റിവളർത്തുന്നു, മനോജ്ഞമാം
ഹരിതാഭ തരുക്കിടാങ്ങളെ.
താഴ്വരകൾ താലോലിക്കുന്നു,
സുഗന്ധിയാം ശീതളമാം മന്ദമാരുതനെ.
മലയാളഭാഷയാൽ കോർത്തെടുത്തു നാം,
വൈവിധ്യമോലും സംസ്കൃതികൾ.
കേരളപ്പെരുമയിൽ മനമാറാടുന്നു,
വാഴ്ക നീയെന്നും വിജയിയായി.
