ആദ്യമായ് കൊണ്ടൊരാ ചാറ്റൽമഴയിൽ
ആഴത്തിലെൻമനം നനഞ്ഞുവെങ്കിലും
ആകാശമറഞ്ഞില്ല ആഴിയുമറിഞ്ഞില്ല
ആദ്യ പ്രണയത്തിൻ അമരാനുഭൂതി
അറിയില്ല പറയുവതെങ്ങിനെയെന്നു
അഴകാർന്ന മിഴികൾ മൊഴിഞ്ഞതേറെ
അത്രമേലിഷ്ടമാം മനസ്സു തൊട്ടുവരച്ച
അരളിപ്പൂവിനു ഹൃദയത്തിൻ നിറമേറെ
ആലില കാറ്റിൽ പാതിരാവുണരുന്നേരം
ആമ്പലിന്നോർമ്മമണം നട്ടവളെന്നിൽ
ആകാശമറിയാത്ത പോക്കുവെയിലിൽ
അവളെൻ ചാരത്തു നിഴാലായിരിന്നു
അറിയുവാൻ പാടില്ലാരുമെന്നോർത്തു
അകലം തേടിപോയീ ആശാമേഘങ്ങൾ
ആകാശമറിയാതെ വന്ന മഴക്കിളികൾ
ആർദ്ര മഴവില്ലുകൾ കൊത്തിപ്പറന്നു
