ഇപ്പോഴും കണ്ടേക്കാം
അരണ്ട വെളിച്ചമുള്ള
ഗോവണിച്ചുവട്ടില്‍
പഴയ വക്കീല്‍ ഗുമസ്തന്‍ടെ
വലിയ മേശപ്പുറത്ത്
കെട്ടുകണക്കിന് ഫയലുകള്‍ക്കരികെ
കട്ടകളിലെ അക്ഷരങ്ങള്‍
പകുതിയും മാഞ്ഞ ഒരു
കൊച്ചു ടൈപ്പിംഗ് യന്ത്രം
അക്ഷരങ്ങളിലൂടെ വിരലുകള്‍
അതിവേഗത്തിലോടുമ്പോള്‍
തൊഴില്‍ രഹിതരുടെ സ്വപ്നങ്ങള്‍
ചിറകുവിരിച്ച് മഹാനഗരങ്ങളിലേക്ക്
ചെക്കേറിയിരുന്നൊരു സുവര്‍ണ്ണകാലം
പുരാവസ്തുവില്‍പ്പനകേന്ദ്രങ്ങളില്‍
ചരിത്രമ്യൂസിയം ഹാളിന്‍ടെ മൂലയില്‍
അഗാധമായ നിശ്ശബ്ദതയില്‍
പ്രിയപ്പെട്ടവരാല്‍ ഉപേക്ഷിക്കപ്പെട്ടതിന്‍
നൊമ്പരങ്ങളും പേറി പാതി സുഷുപ്തിയിലൊരു പഴയ യന്ത്രം
വീടിന്‍ടെ പൊടിയണിഞ്ഞ
പഴയ തട്ടിന്‍പുറങ്ങളില്‍
പുത്തന്‍ തലമുറയിലാരും അറിയാതെ
കാണാതെ ,കേള്‍ക്കാതെ
തട്ടുമുട്ടു സാധനങ്ങള്‍ക്കിടയില്‍
വലിച്ചെറിയപ്പെട്ട,കാലങ്ങളായി
മാറുന്ന തലമുറകളുടെ
ആദരവുകളേറ്റു വാങ്ങിയ
പ്രതീക്ഷയും വെളിച്ചവുമായിരുന്ന
ടൈപ്പ്റൈറ്റര്‍ എന്ന
മഹത്തായ യന്ത്രം
ട
