മൊഴിയിൽ ലോഗിൻ ചെയ്ത ശേഷം രചനകൾ നേരിട്ടു സമർപ്പിക്കു.
Login/Register
 

Some of our best stories

  • ഓറിയന്റ് എക്സ്പ്രസ്

    Jojy Paul

    ക്രൊയേഷ്യൻ യാത്രയുടെ അവസാനരാത്രിയാണിന്ന്. ഏകമായ യാത്രകളിൽ കാണുന്നവരോടൊക്കെ മിണ്ടിയും പറഞ്ഞുമിരിക്കണമെന്നു തോന്നാറുണ്ടെങ്കിലും പലപ്പോഴുമതിനു കഴിയാറില്ല. എന്നിലേക്കുതന്നെ ഒതുങ്ങിക്കൂടി, ഒച്ചയും ബഹളങ്ങളിൽനിന്നുമെല്ലാം ഒഴിഞ്ഞുമാറി ഹോട്ടലിന്റെ ഏതെങ്കിലും മൂലയിൽചെന്നിരുന്നു എന്തെങ്കിലുമൊക്കെ വായിക്കാറാണ് പതിവ്.  പതിവിനു വിപരീതമായി ഇന്ന് ഹോട്ടൽബാറിൽ വെച്ചു പരിചയപ്പെട്ട  മാർക്കിനഭിമുഖമായിട്ടാണിരിപ്പ്.  

    Read more …

  • ബഡായിക്കഥ

    • MR Points: 100
    • Status: Ready to Claim

    badayikkadha

    Jojy Paul

    തൃശൂരുനിന്നും പാലക്കാട് വഴി കോയമ്പത്തൂർക്ക് ഇടയ്ക്കിടെ ഒരു യാത്രയുണ്ട്. പ്രത്യേകിച്ച് ഒരു ലക്ഷ്യവുമില്ലാത്ത യാത്ര. രണ്ടുമൂന്നു കൊല്ലം ജീവിച്ച സ്ഥലമാണ്. ഒരുപാട് സ്വപ്‌നങ്ങൾ പൂവിട്ട മണ്ണും. കുനിയമുത്തൂരിലെ ചോളപ്പാടങ്ങളും, പീളമേട്ടിലെ തുണിമില്ലുകളും, പൂമാർക്കറ്റിലെ പൂക്കടകളും, ശിരുവാണിയിലെ കുടിനീരും ഇടയ്ക്കിടെ ഓർമ്മയിൽവരും.

    Read more …

  • മസിനഗുഡി

    • MR Points: 100
    • Status: Ready to Claim
    masinagudi
    Joji Paul
    ആശുപത്രിക്കിടക്കയിൽ തിരിഞ്ഞും മറിഞ്ഞും കിടക്കാൻ തുടങ്ങിയിട്ടേറെ നേരമായി. ദേഹമാസകലം വലിഞ്ഞുമുറുകുന്ന വേദന. ഒരൽപ്പം ചൂടുവെള്ളം കുടിക്കണമെന്ന് തോന്നുന്നു. തൊണ്ട വറ്റിവരണ്ടിരിക്കുകയാണ്. മൊബൈൽ തപ്പിയെടുത്ത് സമയം നോക്കി. മൂന്നാകുന്നതേയുള്ളു. നേരം വെളുക്കാനിനിയും ഏറെയുണ്ട്.

    Read more …

  • കുമ്പളങ്ങ കനവുകള്‍

    • MR Points: 100
    • Status: Ready to Claim

    ഒരു വെളുപ്പാംകാലത്ത് ഇറയത്ത് തൂങ്ങിനിന്നുകൊണ്ട് കട്ടന്‍ മോന്തുമ്പോഴാണ് ശങ്കരന്‍ നായര്‍ ആ കാഴ്ച കണ്ടത്. തൊഴുത്തിന്റെ പിന്നിലൂടെ തല നീട്ടി കിടന്നിരുന്ന കുമ്പള വള്ളി പൂവിട്ടിരിക്കുന്നു.

    Read more …

  • ഇന്റർവ്യൂ

    interview

    മൂന്നാമത്തെ ഇന്റർവ്യൂവിനും അവളെ കണ്ടപ്പോൾ അവൻ ഒന്നു തീരുമാനിച്ചു, യാദൃശ്ചികതയുടെ സിദ്ധാന്തപുസ്തകം ഇനി അടച്ചുവയ്ക്കാം എന്ന്. 

    Read more …

"കൂയ് ......,അയല, മത്തി, സ്രാവ്, കൂയ്.. മീൻ കാരന്റെ ശബ്ദം കേട്ട് ലൈല പുറത്തേക്ക് നോക്കി
" ഡാ റസാക്കെ അവിടെ നിക്ക് ഞമ്മക്കിന്ന് കൊറച്ച് മീൻബേണം എത്ര ദെവസാന്ന് നിരിച്ചിട്ടാ ഈ എലകളിങ്ങനെ കറിവെച്ചും താളിച്ചും തിന്നാ.. "

" ങ്ങക്ക് എന്താ മാണ്ട്യെ അയ്ലണ്ട് മത്തി ണ്ട് , സ്രാവ്ണ്ട്. " റസാക്ക് പറഞ്ഞു.

എങ്ങന്യാ വെല

മീനിനൊക്കെ ഭയങ്കര വെലയാ താത്ത . സ്രാവിന് 500 രൂപ, അയില അരക്കിലോ 120, മത്തി കിലോ 120 ഇങ്ങക്ക് ഏതാ മാണ്ടിയത്?

"ഞമ്മക്ക് മത്തി മതി. പൈസ പിന്നെ തരാം.. ആ വലിയ മീൻ കൂടിയിട് "
ഒരു വിധം വില പേശി മീൻ വാങ്ങി ലൈല അടുക്കളയിലെത്തി. ചട്ടിയിൽ മീൻ ഇട്ട് പുറത്ത് കൊണ്ടുപോയി മുറിക്കാൻ തുടങ്ങി.
അടുത്തവിട്ടിലെ പൂച്ചകളും, ഒന്നു രണ്ടു കാക്കകളും മീൻ എങ്ങനെ കിട്ടും എന്നോർത്ത് ലൈലയെ ശല്യപ്പെടുത്താൻ തുടങ്ങി.....
ഇതു കണ്ട് ഗർഭിണിയായ ലൈലയുടെ മകളും ഉമ്മയു ടെ അടുത്ത് കുശലം പറഞ്ഞ് ഇരുന്നു....
"മോളെ ജ്ജ് ഈ മിനൊന്നു നോക്ക് കാക്ക കൊത്തുന്ന് ണ്ടോന്ന് പ്രത്യേകം നോക്കണേ..
"ഉമ്മ കുറച്ച് ഉപ്പ് എടുത്തിട്ട് വരാം "
ഇതും പറഞ്ഞ് ലൈല അകത്തേക്ക് പോയി

ഉപ്പുമായി വന്നപ്പോൾ കണ്ട കാഴ്ച കാക്ക ഒരു മീൻകൊത്തി പറക്കുന്നതാണ്. നോക്കി നിന്ന മോളോട് വെപ്രാളത്തോടെഉമ്മ ചോദിച്ചു. "എന്താ മോളെ ജ്ജി കാക്കാനെ തെളിക്കാഞ്ഞെ ? "

"അയ്യോ ഉമ്മാ ...കാക്ക മീൻകൊത്ത്ണ്‌ണ്ടോന്ന് നോക്കാനല്ലെ ഉമ്മ പറഞ്ഞെ ... ഞാൻ നോക്കി..." കാക്ക മീൻകൊത്ത് ണ കാണാൻ നല്ല രസം..

മകൾ പറഞ്ഞ ഉത്തരം കേട്ട് ആ സാധു സ്ത്രീ അവിടെ ഇരുന്നു പോയി.

 

 

 

ശ്രേഷ്ഠ രചനകൾ

നോവലുകൾ

 malayalam novels
READ