മൊഴിയിൽ ലോഗിൻ ചെയ്ത ശേഷം രചനകൾ നേരിട്ടു സമർപ്പിക്കു.
Login/Register
 

Some of our best stories

  • ഓറിയന്റ് എക്സ്പ്രസ്

    Jojy Paul

    ക്രൊയേഷ്യൻ യാത്രയുടെ അവസാനരാത്രിയാണിന്ന്. ഏകമായ യാത്രകളിൽ കാണുന്നവരോടൊക്കെ മിണ്ടിയും പറഞ്ഞുമിരിക്കണമെന്നു തോന്നാറുണ്ടെങ്കിലും പലപ്പോഴുമതിനു കഴിയാറില്ല. എന്നിലേക്കുതന്നെ ഒതുങ്ങിക്കൂടി, ഒച്ചയും ബഹളങ്ങളിൽനിന്നുമെല്ലാം ഒഴിഞ്ഞുമാറി ഹോട്ടലിന്റെ ഏതെങ്കിലും മൂലയിൽചെന്നിരുന്നു എന്തെങ്കിലുമൊക്കെ വായിക്കാറാണ് പതിവ്.  പതിവിനു വിപരീതമായി ഇന്ന് ഹോട്ടൽബാറിൽ വെച്ചു പരിചയപ്പെട്ട  മാർക്കിനഭിമുഖമായിട്ടാണിരിപ്പ്.  

    Read more …

  • ബഡായിക്കഥ

    • MR Points: 100
    • Status: Ready to Claim

    badayikkadha

    Jojy Paul

    തൃശൂരുനിന്നും പാലക്കാട് വഴി കോയമ്പത്തൂർക്ക് ഇടയ്ക്കിടെ ഒരു യാത്രയുണ്ട്. പ്രത്യേകിച്ച് ഒരു ലക്ഷ്യവുമില്ലാത്ത യാത്ര. രണ്ടുമൂന്നു കൊല്ലം ജീവിച്ച സ്ഥലമാണ്. ഒരുപാട് സ്വപ്‌നങ്ങൾ പൂവിട്ട മണ്ണും. കുനിയമുത്തൂരിലെ ചോളപ്പാടങ്ങളും, പീളമേട്ടിലെ തുണിമില്ലുകളും, പൂമാർക്കറ്റിലെ പൂക്കടകളും, ശിരുവാണിയിലെ കുടിനീരും ഇടയ്ക്കിടെ ഓർമ്മയിൽവരും.

    Read more …

  • മസിനഗുഡി

    • MR Points: 100
    • Status: Ready to Claim
    masinagudi
    Joji Paul
    ആശുപത്രിക്കിടക്കയിൽ തിരിഞ്ഞും മറിഞ്ഞും കിടക്കാൻ തുടങ്ങിയിട്ടേറെ നേരമായി. ദേഹമാസകലം വലിഞ്ഞുമുറുകുന്ന വേദന. ഒരൽപ്പം ചൂടുവെള്ളം കുടിക്കണമെന്ന് തോന്നുന്നു. തൊണ്ട വറ്റിവരണ്ടിരിക്കുകയാണ്. മൊബൈൽ തപ്പിയെടുത്ത് സമയം നോക്കി. മൂന്നാകുന്നതേയുള്ളു. നേരം വെളുക്കാനിനിയും ഏറെയുണ്ട്.

    Read more …

  • കുമ്പളങ്ങ കനവുകള്‍

    • MR Points: 100
    • Status: Ready to Claim

    ഒരു വെളുപ്പാംകാലത്ത് ഇറയത്ത് തൂങ്ങിനിന്നുകൊണ്ട് കട്ടന്‍ മോന്തുമ്പോഴാണ് ശങ്കരന്‍ നായര്‍ ആ കാഴ്ച കണ്ടത്. തൊഴുത്തിന്റെ പിന്നിലൂടെ തല നീട്ടി കിടന്നിരുന്ന കുമ്പള വള്ളി പൂവിട്ടിരിക്കുന്നു.

    Read more …

  • ഇന്റർവ്യൂ

    interview

    മൂന്നാമത്തെ ഇന്റർവ്യൂവിനും അവളെ കണ്ടപ്പോൾ അവൻ ഒന്നു തീരുമാനിച്ചു, യാദൃശ്ചികതയുടെ സിദ്ധാന്തപുസ്തകം ഇനി അടച്ചുവയ്ക്കാം എന്ന്. 

    Read more …

എന്റെ കുട്ടിക്കാലത്ത് വീട്ടിൽ ധാരാളം പശുക്കളും എരുമയും പോത്തും ഉണ്ടായിരുന്നു. കുട്ടികളായ ഞങ്ങൾ ആണ് അവയെ അഴിച്ച് തീറ്റാൻ കൊണ്ടു പോകാറുള്ളത്. നാലു മണിയായാൽ പോത്തിനെ കുളിപ്പി ക്കാനായി അടുത്തുള്ള

പുഴയിലേക്ക് അഴിച്ചു കൊണ്ടുപോകും. റോഡ് സൈഡിലാണ് എന്റെ വീട്. പുഴയിലേയ്ക്ക് പോകാൻ റോഡിലൂടെ രണ്ടു ഫർലോംഗ് പോകണം. അന്ന് പോത്തിനെ അഴിച്ചുവിട്ട് അതിന്റെ പിറകെ ഞാൻ പോകുമ്പോൾ അടുത്ത വീട്ടിലെ ചേട്ടൻ എന്നോട് പറഞ്ഞു. " മോളെ,നീ എന്തിനാ നടക്കുന്നത് പോത്തിന്റെ പുറത്ത് കയറി ഇരുന്നാൽ പോരെ."ഏഴു വയസ്സുകാരിയുടെ സ്വതസിദ്ധമായ കൗതുകത്തോടെ, നിഷ്കളങ്കതയോടെ ഞാൻ പറഞ്ഞു.
"എനിക്ക് അതിൻെറ പുറത്ത് കയറാൻ പറ്റില്ല ചേട്ടാ. എന്നെ ഒന്ന് പോത്തിന്റെ പുറത്ത് കയറ്റിതരുമോ?" ഉദാരമനസ്കനായ ചേട്ടൻ, ''അതിനെന്താ മോളെ,"
എന്നും പറഞ്ഞു എന്നെഎടുത്ത് പോത്തിന്റെ പുറത്തിരുത്തി.
"അതിന്റെ മൂക്കു കയറിൽ മുറുക്കെ പിടിച്ചോണം. വിട്ടേക്കരുത് കേട്ടോ. "
എന്ന് ചേട്ടൻ ഉപദേശ രൂപേണെ എന്നോട് പറഞ്ഞു .

ഞാൻ അതിന്റെ പുറത്ത് ഇരുന്നതും പോത്ത് വാലും പൊക്കി ഒരു ഓട്ടം. കൂടെ ഒരു അലർച്ചയും, ഞാനാകെ പേടിച്ചു പോയി. കയറിൽ നിന്ന് കൈവിട്ടാൽ ഞാൻ താഴെ വീഴും. ചവിട്ടും കൊള്ളും. ഞാൻ കയറിൽ മുറുകെ പിടിച്ചിരുന്നു .പേടി കൊണ്ട് കണ്ണടച്ച് പോത്തിന്റെ പുറത്ത് കമഴ്ന്നു കിടക്കും പോലെ. റോഡരുകിൽ നിന്ന് ആൾക്കാരെല്ലാം ഈ കാഴ്ച്ച കാണുന്നുണ്ടായിരുന്നു. പലരും പിറകെ ഓടി വരുന്നുണ്ടായിരുന്നു. ഏതായാലും രണ്ടു ഫർലോംഗ് ദൂരെയുള്ള പുഴയിലേയ്ക്ക് ആണ് പോത്ത് ഓടി പോയത്. സ്ഥിരം പോകുന്ന വഴിയാണ്. പാഞ്ഞു ചെന്നപോത്ത് പുഴയിലേയ്ക്ക് ചാടി. വലിയ ഒരു കയമായിരുന്നു അത്. കയത്തിന്റെ നടുവിലേക്ക് പോത്ത് നീന്തി. ഏകദേശം മധ്യ ഭാഗത്തെത്തിയപ്പോൾ ഇനി പോത്ത് എന്നെ ഒന്നും ചെയ്യില്ല എന്ന ധൈര്യത്തിൽ ഞാൻ കയറിൽ നിന്ന് പിടി വിട്ടു. പുറകോട്ട് ഞാൻ നീന്തി. ചെറുപ്രായത്തിൽതന്നെ നീന്തൽ അറിയാമായിരുന്നതു കൊണ്ട് ഞാൻ നീന്തി രക്ഷപ്പെട്ടു. ഞാൻ കരയിൽ കയറിയപ്പോൾ പിറകേ ഓടി വന്ന കുറേ ആൾക്കാർ നോക്കി നിൽക്കുന്നു. ചിലർ ദൂരെ നിന്ന് ഓടി വരുന്നു. എന്നെ പോത്തിന്റെ പുറത്ത് ഇരുത്തിയ ചേട്ടൻ "എന്റെ പൊന്നുമോളേ ,നിന്നെ ദൈവം കാത്തു." എന്നു പറഞ്ഞു. ഏതായാലും അവിടെ കൂടിയ എല്ലാവരും എന്നെ അഭിനന്ദിച്ചു. കയറിൽ നിന്ന് പിടിവിടാതെ ഇരുന്നതിന്. എന്റെ ഓർമ്മയിൽ മായാതെ നിൽക്കുന്ന ഏറ്റവും കൗതുകകരമായ കുട്ടിക്കാല സംഭവങ്ങളിൽ ഒന്നാണ് അത്. ഇന്നും പോത്തിനെ കണ്ടാൽ എന്റെ മനസ്സിൽ ഓടിയെത്തുന്ന ഓർമ്മ ഞാൻ അതിന്റെ പുറത്തുകയറിയതും, പേടിച്ചരണ്ട പോത്തിന്റെ ഓട്ടവും , മൂക്കുകയറിൽ പിടിച്ച് പോത്തിന്റെ പുറത്ത് കമഴ്ന്നു വീണ രീതിയിലുള്ള എന്റെ ഇരിപ്പും ആണ്.

ശ്രേഷ്ഠ രചനകൾ

നോവലുകൾ

 malayalam novels
READ