fbpx

 

 

 

 

 

.

User Rating: 5 / 5

Star ActiveStar ActiveStar ActiveStar ActiveStar Active
 

 

പ്രാരാബ്ധങ്ങൾ സഹിക്കാതെ വന്നപ്പോൾ കഴുത പരിഹാരത്തിനായി പൂച്ചസന്യാസിയെ കാണാൻ പോയി. എലിയെ പിടുത്തം കുറച്ചു ബുദ്ധിമുട്ടുള്ള കാര്യമാണെന്നു മനസ്സിലാക്കിയ പൂച്ച പണ്ടേ സന്യാസത്തിലേക്കു തിരിഞ്ഞാണ്. മലമുകളിലുള്ള ആശ്രമത്തിൽ പൂച്ച വസിച്ചു. എല്ലാ ദിവസവും അദ്ദേഹം ഒരു മരത്തണലിൽ ഇരുന്നുകൊണ്ട് ഭക്തർക്കു ദർശനം നൽകിയിരുന്നു. ജീവിത വൈതരണിയിൽ ബുദ്ധിമുട്ടുന്നവർക്കു അദ്ദേഹം പരിഹാരങ്ങൾ നിർദേശിച്ചു. ഭക്തർ നൽകുന്ന ദക്ഷിണ കുന്നു കൂടിയപ്പോൾ, പൂച്ചസന്യാസി ആശ്രമത്തോടു ചേർന്നു ഒരു സംഭരണ കേന്ദ്രം നിർമ്മിച്ചു.

കഴുത പറഞ്ഞു "ബഹുമാനപ്പെട്ട പൂച്ച സന്യാസി, അലക്കുകാരനു തീരെ ദയ ഇല്ലാതെ വന്നിരിക്കുന്നു. അനുദിനം വിഴുപ്പു ഭാണ്ഡത്തിന്റെ ഭാരം വർധിക്കുന്നു. ജീവിതം മടുത്തു. ഇതിനൊരു പരിഹാരം വേണം."

പൂച്ച സന്യാസി മൊഴിഞ്ഞു "വത്സാ കഴുതേ, നിനക്കു മേൽ പാപമുണ്ട്. പാപപരിഹാരാർദ്ധം നിനക്കുവേണ്ടി ഞാൻ പ്രാർഥിക്കാം. ദക്ഷിണ വച്ചിട്ടു നീ സമാധാനമായി അലക്കു കാരന്റെ അടുക്കലേക്കു പൊയ്ക്കൊള്ളൂ."

കഴുത ദക്ഷിണ നൽകി യാത്രയായി. കഴുതയുടെ ജീവിതം പഴയതുപോലെ തുടർന്നു. അലക്കുകാരൻ കഴുതയെ കണ്ടമാനം ഉപദ്രവിച്ച ഒരുനാൾ കഴുത വീണ്ടും പൂച്ച സന്യാസിയെ കാണാൻ പോയി. കഴുതയുടെ പരിദേവനങ്ങൾ കേട്ട പൂച്ച സന്യാസി ഇപ്രകാരം പറഞ്ഞു.

"വത്സാ കഴുതേ, ഇഹത്തിൽ ഭാരം കൂടുതൽ ചുമക്കുന്നവർ സ്വർഗ്ഗത്തിൽ ഭാരം ചുമക്കേണ്ടി വരില്ല. നിനക്കു സ്വർഗ്ഗത്തിൽ നല്ല സുഖ സൗകര്യങ്ങൾ ലഭിക്കാനായി ഞാൻ പ്രത്യേകം പ്രാർഥിച്ചിട്ടുണ്ട്. സമാധാനമായി അലക്കു കാരന്റെ അടുക്കലേക്കു പൊയ്ക്കൊള്ളൂ."

പോകാനായി തിരിഞ്ഞ കഴുതയോടു പൂച്ചസന്യാസി പറഞ്ഞു "എന്താണ് നീ ദക്ഷിണ വയ്ക്കാഞ്ഞത്?"

കഴുത പറഞ്ഞു "സ്വാമി എന്റെ പക്കൽ ഇപ്പോൾ ഒന്നുമില്ല. സ്വർഗ്ഗത്തിൽ ചെല്ലുമ്പോൾ ഞാൻ സ്വാമിക്കു ധാരാളം ദക്ഷിണ തരാം."


വായനക്കാരോട്

ഓരോ രചനയോടും ഒപ്പമുള്ള ‘Rate’ ബട്ടൻ ഉപയോഗിച്ച്  രചനകൾ വിലയിരുത്തുക. നിഷ്പക്ഷമായി രചനകളെ വിമർശിക്കുക. അതു എഴുത്തുകാരെ മെച്ചമാക്കും. കൂടുതൽ പേർ വായിക്കുകയും (hit rate) ഉയർന്ന rating ലഭിക്കുകയും ചെയ്യുന്ന രചനകൾക്ക് പാരിതോഷികം നൽകുന്നു.

എഴുത്തുകാരോട്

ലോഗിൻ ചെയ്തുകഴിഞ്ഞാൽ, രചനകൾ സൈറ്റിൽ തന്നെ നേരിട്ടു സമർപ്പിക്കാവുന്നതാണ്. സമർപ്പിച്ച രചനകൾ പരിശോധിച്ച ശേഷം പ്രസിദ്ധം ചെയ്യുന്നതാണ്. പ്രസിദ്ധം ചെയ്യുന്ന ഓരോ രചനയ്ക്കും 50 point വീതം ലഭിക്കും. ഈ സൈറ്റിൽ പ്രസിദ്ധം ചെയ്യുന്ന എല്ലാ രചനകളും മൊഴിയുടെ ഇമെയിൽ, സോഷ്യൽ മീഡിയ തുടങ്ങി എല്ലാ ഡിജിറ്റൽ മാധ്യമങ്ങളിലും,  അച്ചടി മാധ്യമങ്ങളിലും കൂടുതൽ പ്രചാരണത്തിനായി പ്രസിദ്ധീകരിക്കുന്നതായിരിക്കും.
View Tutorials

മാർത്താണ്ഡന്റെ നിലക്കണ്ണാടി

പുരാതനമായ ചെറു പട്ടണം.  പഴമയുടെ ശേഷിപ്പുകൾ.  തിരക്കൊഴിഞ്ഞ,  കല്ലു പാകിയ, ഇടുങ്ങിയ പാതകൾ. കനമുള്ള മരത്തിൽ തീർത്ത പഴയ കെട്ടിടങ്ങൾ. 

നിങ്ങൾക്കും ചരിത്രത്തിന്റെ ഭാഗമാകാം

നവീകരിച്ചത്: 24.07.2018