User Rating: 4 / 5

Star ActiveStar ActiveStar ActiveStar ActiveStar Inactive
 

ടൗണിലെ കടയിൽ നിന്നും
മോനൊരു കളിപ്പാട്ടം
വാങ്ങുന്നതിനിടയിലാണ്
സങ്കടം നിറഞ്ഞ
കണ്ണുകളുള്ളവനെ കണ്ടത് .

എന്തെയെന്ന് ചോദിക്കാൻ
തിരിഞ്ഞപ്പോളേക്കും
അവനെ കണ്ടതേയില്ല .

രാത്രിയിലൊരിക്കൽ
മോന് പനി കൂടിയതറിയാതെ
ഉറക്കത്തിലായിരുന്നു .
ആരോ വിളിച്ചുണർത്തിയപ്പോലെ
ഞെട്ടിയുണർന്നപ്പോൾ
മുറിക്കുള്ളിലവന്റെ
ഞരക്കവും തേങ്ങലും .
ചേർത്ത് പിടിച്ചവനെ
നെഞ്ചിലൊതുക്കുമ്പോൾ
കട്ടിലിന്റെ ഓരം ചേർന്ന്‌
സങ്കട കണ്ണുള്ളവൻ വീണ്ടും .

ഉരുളയുരുട്ടി ഊട്ടുമ്പോൾ
എണ്ണ തേച്ചു കുളിപ്പിക്കുമ്പോൾ
ഓടിച്ചിട്ട് തല തുവർത്തുമ്പോൾ
രാസ്നാദിയിടുമ്പോൾ
പാട്ട്‌ പാടി ഉറക്കുമ്പോൾ
പിന്നെയും പിന്നെയും
സങ്കടക്കണ്ണുള്ളവനെ
അവിടവിടെ കണ്ടു .

‘ഇങ്ങടുത്ത് വാ , ഒരുരുള തരട്ടെ
മഴ നനയല്ലേ , നീങ്ങി നിൽക്ക്’
എന്നൊക്കെ ഉയർന്ന പറച്ചിലിൽ
അമ്മയിതാരോടാ
എന്ന ചോദ്യത്തിലാണ്
എനിക്ക് മാത്രം കാണാനാവുന്ന
മായ കാഴ്ചയാണ്
അവനെന്നറിഞ്ഞത് .
മുറ്റത്ത് പറന്നെത്തുന്ന
പേരില്ലാ പക്ഷിയെ പോലെ
പിന്നെയും ഇടയ്ക്കിടെയവൻ
വന്നു കൊണ്ടിരുന്നു .
ഞാനവനോട്
മിണ്ടിയും പറഞ്ഞും കൊണ്ടും .

‘ഒപ്പം വന്നൂടമ്മേ,
ഒറ്റയ്ക്കിങ്ങനെയിവിടെയെന്ന്’
ചോദിച്ചു മടുത്ത്
മകൻ നഗരത്തിലേക്ക് പോയന്ന്
ഒച്ചയനക്കമില്ലാത്ത
വീട്ടിൽ ചടഞ്ഞിരിക്കുമ്പോൾ
അവനെയോർത്തു .
സങ്കട കണ്ണേ നീയെവിടെയെന്ന്
ചോദിച്ചു തീരും മുൻപേ
ഞാനിവിടെയുണ്ടമ്മേയെന്ന്
അന്നാദ്യമായവൻ വിളി കേട്ടു.
അനുസരണയുള്ള
കുഞ്ഞിനെപ്പോലെ
എന്റെ മടിയിൽ തല വെച്ച് കിടന്നു .
തൊട്ടാൽ മാഞ്ഞുപ്പോകുമോ
അവനെന്ന് ഭയന്ന്
ഞാനവനെ നോക്കി നോക്കിയിരുന്ന്
എപ്പോളോ സ്വയം മാഞ്ഞു പോയി.


വായനക്കാരോട്

ഓരോ രചനയോടും ഒപ്പമുള്ള ‘Rate’ ബട്ടൻ ഉപയോഗിച്ച്  രചനകൾ വിലയിരുത്തുക. നിഷ്പക്ഷമായി രചനകളെ വിമർശിക്കുക. അതു എഴുത്തുകാരെ മെച്ചമാക്കും. കൂടുതൽ പേർ വായിക്കുകയും (hit rate) ഉയർന്ന rating ലഭിക്കുകയും ചെയ്യുന്ന രചനകൾക്ക് പാരിതോഷികം നൽകുന്നു.

എഴുത്തുകാരോട്

ലോഗിൻ ചെയ്തുകഴിഞ്ഞാൽ, രചനകൾ സൈറ്റിൽ തന്നെ നേരിട്ടു സമർപ്പിക്കാവുന്നതാണ്. സമർപ്പിച്ച രചനകൾ പരിശോധിച്ച ശേഷം പ്രസിദ്ധം ചെയ്യുന്നതാണ്. പ്രസിദ്ധം ചെയ്ത നിങ്ങളുടെ രചനകൾ, നിങ്ങൾക്കു വീണ്ടും തിരുത്താവുന്നതാണ്. ഈ site ൽ സൈറ്റിൽ പ്രസിദ്ധം ചെയ്യുന്ന എല്ലാ രചനകളും മൊഴിയുടെ ഇമെയിൽ, സോഷ്യൽ മീഡിയ സൈറ്റുകൾ, മറ്റു നവമാധ്യമം, അച്ചടി മാധ്യമം എന്നിവിടങ്ങളിൽ കൂടുതൽ പ്രചാരണത്തിനായി പ്രസിദ്ധീകരിക്കുന്നതായിരിക്കും.
View Tutorials

മാർത്താണ്ഡന്റെ നിലക്കണ്ണാടി

പുരാതനമായ ചെറു പട്ടണം.  പഴമയുടെ ശേഷിപ്പുകൾ.  തിരക്കൊഴിഞ്ഞ,  കല്ലു പാകിയ, ഇടുങ്ങിയ പാതകൾ. കനമുള്ള മരത്തിൽ തീർത്ത പഴയ കെട്ടിടങ്ങൾ. 

നിങ്ങൾക്കും ചരിത്രത്തിന്റെ ഭാഗമാകാം

നവീകരിച്ചത്: 24.07.2018