User Rating: 4 / 5

Star ActiveStar ActiveStar ActiveStar ActiveStar Inactive
 
 
ഏകാന്തതയെക്കുറിച്ചുള്ള കവിതകൾ
വേർപാടിന്റെ ഉപ്പുരസം പടർന്നവയാണ്.
ആത്മസംവേദനത്തിന്റെ
അക്ഷരമാലകളാൽ കുറിക്കപ്പെട്ടവ.
 
ഏകാന്തതയെക്കുറിച്ചുള്ള കവിതകളിൽ
വിഷാദത്തിന്റെ മേഘങ്ങൾ പൂത്തുലയുന്നുണ്ട്.
എങ്കിലും, ഒരിക്കലൊരു വസന്തമഴയായി
മധുമരന്ദം പകരാൻ കൊതിക്കുന്നവ.
 
ഏകാന്തതയെക്കുറിച്ചുള്ള കവിതകളിൽ
സ്വയംവിരമിക്കലിന്റെ
കയ്യൊപ്പുചാർത്തപ്പെട്ടിരിക്കുന്നു.
എങ്കിലും, ഒരു കൂടിച്ചേരലിനുള്ള ക്ഷണപത്രവും
അതു സൂക്ഷിച്ചുനിരീക്ഷിച്ചാൽ കാണാം.
 
ഏകാന്തതയെക്കുറിച്ചുള്ള കവിതകൾ
ഒറ്റപ്പെടലിന്റെ മുള്ളുകൾകൊണ്ട്
രക്തം കിനിയുന്നവയാണ്.
എങ്കിലും, മുറിവുകളെ പരിചരിച്ചുണക്കുവാൻ
ഒരു സഹായാഭ്യർത്ഥനയും അതിൽ
പറയാതെ പറയുണ്ടുണ്ട്.
 
ഏകാന്തതയെക്കുറിച്ചുള്ള കവിതകൾ
മനസ്സിന്റെ സഞ്ചാരപഥങ്ങളെക്കുറിച്ചാണ്.
എങ്കിലും, ശരീരം
മനസ്സിനെ അനുധാവനം ചെയ്കയാൽ,
മനസ്സിന്റെ ഒറ്റപ്പെടൽ ശരീരത്തിന്റെകൂടി
ബാധ്യതയായിമാറുന്നു.
 
ഏകാകികളുടെ കവിതകൾ
സൗമ്യമായ അരുവിപോലെയാകുന്നു.
എങ്കിലും, ഒരു പാറമുനമ്പിന്റെ
സഹായമുണ്ടെങ്കിൽ ദേശം കേൾക്കുന്ന
വെള്ളച്ചാട്ടമാകുവാൻ അത്
ധാരാളം മതിയായെന്നുംവരാം.
 
ഏകാന്തതയെക്കുറിച്ചുള്ള കവിതകൾ
ഏകാകികൾക്കായി എഴുതപ്പെട്ടവയാണ്. 
അല്ലാത്തവർ
എത്രവിവർത്തനം ചെയ്യാൻ ശ്രമിച്ചാലും,
കൂർത്തുമൂർത്ത സത്യങ്ങളിൽത്തട്ടി
ചോരകിനിച്ചേക്കാവുന്നവ.
 
ഏകാന്തതയെക്കുറിച്ചുള്ള കവിതകൾ
ഇരുട്ടത്ത് കുറിക്കപ്പെടുന്നവയാണ്.
എങ്കിലും, 
നിനയ്ക്കാതെയൊരു സൂര്യവെളിച്ചമേറ്റാൽ, 
ശലഭങ്ങളാകാനൊരു സാധ്യതപേറുന്നവ.

വായനക്കാരോട്

ഓരോ രചനയോടും ഒപ്പമുള്ള ‘Rate’ ബട്ടൻ ഉപയോഗിച്ച്  രചനകൾ വിലയിരുത്തുക. നിഷ്പക്ഷമായി രചനകളെ വിമർശിക്കുക. അതു എഴുത്തുകാരെ മെച്ചമാക്കും. കൂടുതൽ പേർ വായിക്കുകയും (hit rate) ഉയർന്ന rating ലഭിക്കുകയും ചെയ്യുന്ന രചനകൾക്ക് പാരിതോഷികം നൽകുന്നു.

എഴുത്തുകാരോട്

ലോഗിൻ ചെയ്തുകഴിഞ്ഞാൽ, രചനകൾ സൈറ്റിൽ തന്നെ നേരിട്ടു സമർപ്പിക്കാവുന്നതാണ്. സമർപ്പിച്ച രചനകൾ പരിശോധിച്ച ശേഷം പ്രസിദ്ധം ചെയ്യുന്നതാണ്. പ്രസിദ്ധം ചെയ്ത നിങ്ങളുടെ രചനകൾ, നിങ്ങൾക്കു വീണ്ടും തിരുത്താവുന്നതാണ്. ഈ site ൽ സൈറ്റിൽ പ്രസിദ്ധം ചെയ്യുന്ന എല്ലാ രചനകളും മൊഴിയുടെ ഇമെയിൽ, സോഷ്യൽ മീഡിയ സൈറ്റുകൾ, മറ്റു നവമാധ്യമം, അച്ചടി മാധ്യമം എന്നിവിടങ്ങളിൽ കൂടുതൽ പ്രചാരണത്തിനായി പ്രസിദ്ധീകരിക്കുന്നതായിരിക്കും.
View Tutorials

മാർത്താണ്ഡന്റെ നിലക്കണ്ണാടി

പുരാതനമായ ചെറു പട്ടണം.  പഴമയുടെ ശേഷിപ്പുകൾ.  തിരക്കൊഴിഞ്ഞ,  കല്ലു പാകിയ, ഇടുങ്ങിയ പാതകൾ. കനമുള്ള മരത്തിൽ തീർത്ത പഴയ കെട്ടിടങ്ങൾ. 

നിങ്ങൾക്കും ചരിത്രത്തിന്റെ ഭാഗമാകാം

നവീകരിച്ചത്: 24.07.2018