Star InactiveStar InactiveStar InactiveStar InactiveStar Inactive
 

 

ആകയാൽ,
നമുക്ക് ഗജവീരന്മാരെയും
നെറ്റിപ്പട്ടങ്ങളെയുംകുറിച്ച് വാചാലരാകാം.
കൊല്ലപ്പെട്ട ശിശുക്കളെയും
പട്ടിണിമരണംപൂകിയ അമ്മമാരെയും മറന്നുകളയാം.

സമുദ്രത്തിന്റെ മാറിലേക്ക്
യുദ്ധക്കപ്പലുകളയയ്ക്കാം.
രണഭേരികൾ കേട്ടുരസിക്കാം.

ആദിമവനങ്ങൾ കയ്യേറി നശിപ്പിക്കാം.
വിഷംപുരട്ടിയ ഫലമൂലാദികൾ
ആസ്വദിച്ചുകഴിക്കാം.

മാലിന്യമൊഴുകുന്ന നദികളെയും
വിള്ളൽവീണ ഓസോൺപാളിയെയും
കണ്ടില്ലെന്നുനടിക്കാം.

വെള്ളപ്പൊക്കങ്ങളെക്കുറിച്ച്
പരിതപിക്കാം.
ലോകതാപനത്തെക്കുറിച്ച്
മൗനം പാലിക്കാം.

വരുവിൻ,
നമുക്ക് സമാധാനത്തിന്റെ
വെള്ളരിപ്രാവുകളെ കൊന്നുതള്ളാം.
ബോധദീപ്തിയുടെ ദ്യുതിശകലങ്ങളെ
ഊതിക്കെടുത്താം.

പ്രതീക്ഷകളുടെ ചില്ലുജാലകങ്ങൾ എറിഞ്ഞുതകർക്കാം.
സൂര്യന്റെ ജഡത്തിൽച്ചവിട്ടി താണ്ഡവനൃത്തമാടാം.

ഇളവെയിൽ പിറക്കുന്ന പുലരികളെയും
സ്വർണ്ണംകൊഴിയുന്ന സായന്തനങ്ങളെയും
സ്വപ്നങ്ങളിൽനിന്ന് ഇറക്കിവിടാം.

വെള്ളച്ചാട്ടങ്ങൾ വറ്റാത്ത അരുവികളെയും
അലൗകികമായ പ്രണയത്തെയും
വാഴ്ത്തിപ്പാടാതിരിക്കാം.

എന്തുകൊണ്ടെന്നാൽ,
നമ്മൾ മനുഷ്യരാകുന്നു...
ചിന്താശക്തിയും വിവേകശൂന്യതയും
നമുക്കുമാത്രം സ്വന്തമാകുന്നു!


വായനക്കാരോട്

ഓരോ രചനയോടും ഒപ്പമുള്ള ‘Rate’ ബട്ടൻ ഉപയോഗിച്ച്  രചനകൾ വിലയിരുത്തുക. നിഷ്പക്ഷമായി രചനകളെ വിമർശിക്കുക. അതു എഴുത്തുകാരെ മെച്ചമാക്കും. കൂടുതൽ പേർ വായിക്കുകയും (hit rate) ഉയർന്ന rating ലഭിക്കുകയും ചെയ്യുന്ന രചനകൾക്ക് പാരിതോഷികം നൽകുന്നു.

എഴുത്തുകാരോട്

ലോഗിൻ ചെയ്തുകഴിഞ്ഞാൽ, രചനകൾ സൈറ്റിൽ തന്നെ നേരിട്ടു സമർപ്പിക്കാവുന്നതാണ്. സമർപ്പിച്ച രചനകൾ പരിശോധിച്ച ശേഷം പ്രസിദ്ധം ചെയ്യുന്നതാണ്. പ്രസിദ്ധം ചെയ്ത നിങ്ങളുടെ രചനകൾ, നിങ്ങൾക്കു വീണ്ടും തിരുത്താവുന്നതാണ്. ഈ site ൽ സൈറ്റിൽ പ്രസിദ്ധം ചെയ്യുന്ന എല്ലാ രചനകളും മൊഴിയുടെ ഇമെയിൽ, സോഷ്യൽ മീഡിയ സൈറ്റുകൾ, മറ്റു നവമാധ്യമം, അച്ചടി മാധ്യമം എന്നിവിടങ്ങളിൽ കൂടുതൽ പ്രചാരണത്തിനായി പ്രസിദ്ധീകരിക്കുന്നതായിരിക്കും.
View Tutorials

മാർത്താണ്ഡന്റെ നിലക്കണ്ണാടി

പുരാതനമായ ചെറു പട്ടണം.  പഴമയുടെ ശേഷിപ്പുകൾ.  തിരക്കൊഴിഞ്ഞ,  കല്ലു പാകിയ, ഇടുങ്ങിയ പാതകൾ. കനമുള്ള മരത്തിൽ തീർത്ത പഴയ കെട്ടിടങ്ങൾ. 

നിങ്ങൾക്കും ചരിത്രത്തിന്റെ ഭാഗമാകാം

നവീകരിച്ചത്: 24.07.2018