User Rating: 5 / 5

Star ActiveStar ActiveStar ActiveStar ActiveStar Active
 

 

ഒന്നിൽ കൂടുതൽ പക്ഷങ്ങൾ ഉള്ളതുകൊണ്ടാണല്ലോ നിഷ്പക്ഷത എന്ന വാക്കുണ്ടായത്. ഓരോ പക്ഷക്കാരും പൊതുവായി കരുതുന്നത് തങ്ങളുടെ പക്ഷമാണു ശരി എന്നാണു. ശരിയല്ല എന്നറിഞ്ഞിട്ടും പ്രത്യക കാരണങ്ങളാൽ ഒരു പക്ഷത്തോടു ചേർന്നു നിൽക്കുന്നവർ ഉണ്ടാവാം. എന്റെ അച്ഛൻ 'പുലി' ആയിരുന്നു; അതുകൊണ്ടു ഞാനും 'പുലി'യാണ് ഇതാണ് പലരുടെയും അവസ്ഥ. "ഞങ്ങൾ തലമുറകളായി,  കുടുംബമായി ഇന്ന രാഷ്ട്രീയ പക്ഷക്കാരാണ്/മതക്കാരാണ്" എന്നു പറയുന്നവർ പറയാതെ പറയുന്നത് "എനിക്ക് സ്വന്തമായി ഒരു നിലപാടില്ല" എന്നാണു. മറു പക്ഷക്കാർ എന്തു നല്ല കാര്യം പറഞ്ഞാലും അതു വാശിയോടെ തള്ളിക്കളയുക എന്നതാണ് പക്ഷപാതികളുടെ പൊതുവായ സമീപനം. 'ദേശാഭിമാനി'  തുറന്നു നോക്കാത്ത  കോൺഗ്രസ്സുകാരും, 'വീക്ഷണം' തൊട്ടു നോക്കാത്ത കമ്യൂണിസ്റ്റുകളും നമുക്കിടയിൽ ധാരാളമുണ്ട്. പൊതു നന്മയ്ക്കുള്ള എന്തു വിവരം ഈ മാധ്യമങ്ങളിൽ വന്നാലും മറുപക്ഷത്തിന്‌ അതു കിട്ടില്ല. ഇവിടെയാണ് നിഷ്പക്ഷതയുടെ പ്രസക്തി. ആശങ്കകൾ ഇല്ലാതെ ആർക്കും കടന്നു വരാവുന്ന, നിഷ്പക്ഷമായ പൊതു ഇടങ്ങൾ ഉണ്ടെങ്കിൽ മാത്രമേ അറിവിന്റെ വ്യാപനം കാര്യക്ഷമമായി നടക്കുകയൊള്ളു. എന്നാൽ ഒരു പക്ഷത്തിലുള്ള ആളുകളെ അവിടെത്തന്നെ തളച്ചിടണമെങ്കിൽ നന്മയുടെ ഇത്തരം പൊതു ഇടങ്ങൾ നശിപ്പിക്കേണ്ടത് ആവശ്യമാണെന്നു കടുത്ത പക്ഷപാതികൾ കരുതുന്നു. ഇനി നമുക്കു തീരുമാനിക്കാം പൊതു ഇടങ്ങൾ രാഷ്ട്രീയ/മത-വൽക്കരിക്കണമോ വേണ്ടയോ എന്ന്. വിദ്യാഭ്യാസ സ്ഥാപനങ്ങൾ, കലാ സാംസ്കാരിക പ്രസ്ഥാനങ്ങൾ, കായിക-വിനോദ പ്രസ്ഥാനങ്ങൾ, ആതുരാലയങ്ങൾ ഒക്കെയും മത/രാഷ്ട്രീയ-വൽക്കരിക്കുന്ന കാലമാണിത്. അറിവിന്റെ വ്യാപനത്തിനുള്ള പൊതു ഇടങ്ങളെങ്കിലും നമുക്കു നിഷ്പക്ഷമായി കാത്തു സൂക്ഷിച്ചുകൂടയോ?


മലയാളം ബ്ലോഗിടം

നിങ്ങളുടെ മലയാളം ബ്ലോഗുകൾ മൊഴിയിൽ പരിചയപ്പെടുത്താം. മികച്ച ബ്ലോഗ് രചനയും, ബ്ലോഗിലേക്കുള്ള ലിങ്കും [email protected]മൊഴി.org എന്ന വിലാസത്തിൽ അയച്ചുതരിക. നേരിട്ടു നിങ്ങൾക്കു തന്നെ സൈറ്റിൽ ചേർക്കുകയും ചെയ്യാം. 
Read more...

വായനക്കാരോട്

ഓരോ രചനയുടെയും തുടക്കത്തിലുള്ള ‘Rate’ ബട്ടൻ ഉപയോഗിച്ച്  രചനകൾ വിലയിരുത്തുക. നിഷ്പക്ഷമായി രചനകളെ വിമർശിക്കുക. അതു എഴുത്തുകാരെ മെച്ചമാക്കും. കൂടുതൽ പേർ വായിക്കുകയും (hit rate) ഉയർന്ന rating ലഭിക്കുകയും ചെയ്യുന്ന രചനകൾക്ക് പാരിതോഷികം നൽകുന്നു.

ഹ്രസ്വ ഡിജിറ്റൽ രചന

കുറച്ചു വാക്കുകളിൽ ഒരു പ്രപഞ്ചമൊരുക്കുക എന്നതാണ് ഈ കാലഘട്ടത്തിലെ എഴുത്തുകാരുടെ വെല്ലുവിളി. കടലാസിൽ നിന്നും മൊബൈൽ ഫോണിലേക്കുള്ള വായനാ മാറ്റത്തിനു അനുയോജ്യമായ എഴുത്തു ഹ്രസ്വ ഡിജിറ്റൽ  രചന മാത്രമാണ്. കുറച്ചു വാക്കുകളിൽ അനാവൃതമാകുന്ന മിഴിവുറ്റ ചിത്രങ്ങൾ, നർമ്മത്തിന്റെ കാണാ നൂലുകൾ, വായനക്കാരെ പിടിച്ചു നിറുത്തുന്ന വൈഭവം, ഇവയൊക്കെ പുതിയ സമ്പ്രദായത്തിന്റെ മുഖ മുദ്രകളാണ്. വിശാലമായ രചനകൾ പലപ്പോഴും തിരക്കുള്ള വായനക്കാർ ഒഴിവാക്കുന്നു. മൊഴി ലക്ഷ്യ മിടുന്നത് ഇത്തരത്തിലുള്ള രചനാ വൈഭവം എഴുത്തുകാരിൽ വളർത്തിയെടുക്കുന്നതിലാണ്. അതു കൊണ്ടു തന്നെ 2000 വാക്കുകൾ ക്കുള്ളിൽ നിൽക്കുന്ന രചനകൾക്ക് പ്രാധാന്യം നൽകുന്നു. 

മാർത്താണ്ഡന്റെ നിലക്കണ്ണാടി

പുരാതനമായ ചെറു പട്ടണം.  പഴമയുടെ ശേഷിപ്പുകൾ.  തിരക്കൊഴിഞ്ഞ,  കല്ലു പാകിയ, ഇടുങ്ങിയ പാതകൾ. കനമുള്ള മരത്തിൽ തീർത്ത പഴയ കെട്ടിടങ്ങൾ. 

നിങ്ങൾക്കും ചരിത്രത്തിന്റെ ഭാഗമാകാം

നവീകരിച്ചത്: 22.06.2018

User Menu